تارازدا «نۇرعيسا تىلەندييەۆتىڭ مۇراسى جاڭا قازاقستاندىق ءپاتريوتيزمدى قالىپتاستىرۋ» تاقىرىبىندا رەسپۋبليكالىق عىلىمي-تاجىريبەلىك كونفەرەنسيا ءوتتى دەپ حابارلايدى قامشى اقپاراتتىق اگەنتتىگى 24.kz-كە سىلتەمە جاساپ. 

شارا بارىسىندا كومپوزيتوردىڭ ءومىربايانى مەن شىعارماشىلىعىنا ارنالعان ايلىق قورىتىندىلاندى. جيىن قوناقتارى مەن قاتىسۋشىلارى ونەر يەسىنىڭ اتىنداعى مەكتەپ-ينتەرنات مۋزەيىنە ساياحات جاساپ، وقۋشىلاردىڭ قولونەر كورمەسىن تاماشالادى. ال ۇلى سازگەردىڭ كوزىن كورگەن عالىمدار ەستەلىكتەرىمەن ءبولىسىپ، جاستارعا اتاقتى تۇلعا تۋرالى ەستەلىكتەر ايتىپ بەردى.

سونىمەن قاتار «نۇرعيساتانۋ» كىتابىنىڭ تۇساۋى كەسىلدى. تۋىندىدا تىلەندييەۆتىڭ ومىرىندەگى ەل اۋزىندا جۇرگەن قىزىقتى ساتتەرى مەن ناقىل سوزدەرى جازىلعان. ورالجان ماساتبايەۆ، ن.تىلەندييەۆ حالىقارالىق قوعامدىق قورىنىڭ ديرەكتورى: ء-بىزدىڭ ماقساتىمىز – وسى ءىرى تۇلعالاردىڭ مۇراسى ارقىلى جاس ۇرپاقتى قازاقستاندىق پاتريوتيزمگە تاربيەلەۋ. اتاپ ايتقاندا اباي قۇنانبايەۆ، قانىش ساتبايەۆ، باۋىرجان مومىش ۇلى، نۇرعيسا تىلەندييەۆتىڭ مۇراسىن ءبىز الدىڭعى شەپكە الىپ، سول جۇمىستى جالعاستىرىپ جاتىرمىز.