رەسەي پرەزيدەنتى ۆلاديمير پۋتين مەن گەرمانيانىڭ ۇكىمەت باسشىسى انگەلا مەركەلدىڭ كەزدەسۋ كەزىندەگى سۋرەتكە دەنە ءتىلى ساراپشىسى داررەن ستانتون  تالداۋ جاسادى دەپ حابارلايدى قامشى اقپاراتتىق اگەنتتىگى tvzvezda.ru-عا سىلتەمە جاساپ.

 سۋرەتتەرگە مۇقيات زەر سالىپ، تالداۋ جۇرگىزگەن داررەن ستەنتوننىڭ ايتۋى بويىنشا، ەكى ەلدىڭ باسشىسىنىڭ كەزدەسۋى شيەلەنىسكە تولى بولعان.

ەكى ەلدىڭ ۇكىمەت باسىندا وتىرعان تۇلعالار كامەرا الدىندا وز-وزدەرىن قالىپتى ۇستاي بىلگەن. الايدا، بۇل ءوز ءىسىنىڭ مامانى داررەن ستەنتوندى سەندىرە المادى. ماماننىڭ ايتۋىنشا، كەزدەسۋ قىزۋ تالقى مەن قاربالاسقا تولى، شيەلەنىسكەن ماسەلە توڭىرەگىندە وتكەن.

تەرەڭىرەك زەرتتەي كەلە، ستەنتون ءوز بولجامىن شىعاردى. ونىڭ جەكە پىكىرى بويىنشا، مەركەل «ەكى ەل اراسىنداعى قارىم-قاتىناستى جاقسارتۋعا تىرىسقان»، ال رەسەي پرەزيدەنتى «ءوز مەملەكەتىنىڭ كۇش قۋاتىنا سەنىم ارتتى» دەيدى.

ەسكە سالا كەتسەك، ەكى ەلدىڭ بيلىك باسىندا وتىرعان قوس  ليدەردىڭ كەزدەسۋى سوچي قالاسىندا وتكەن بولاتىن.