«ەكسپو-2017» حالىقارالىق كورمەسى قارساڭىندا قالا اكىمدىگى استانا تۇرعىندارىنا جاعىمدى جاڭالىقتى جەتكىزدى. استانا كوشەلەرىندە ۇيالى تەلەفونداردى قۋاتتايتىن ورىندىقتار ورناتىلا باستادى، دەپ حابارلايدى قامشى اقپاراتتىق اگەنتتىگى سارىارقا اۋدانى اكىمدىگىنىڭ رەسمي پاراقشاسىنا سىلتەمە جاساپ.
قالا تۇرعىندارى مەن قوناقتارىنا قولايلى جاعداي جاساۋ ماقساتىندا «استانا» كونسەرت زالىنىڭ الدىنداعى الاڭعا ۇيالى تەلەفونداردى قۋاتتايتىن اۆتونومدى باعانالار مەن ورىندىقتار ورناتىلدى. اتالعان نىساندار كۇن باتارەيالارى ارقىلى قۋاتتاندىرىلادى، ءارى ەنەرگيانىڭ ءتيىمدى جۇمسالۋىنا سەپتىگىن تيگىزەدى.
