فرانسيا مەملەكەتىنىڭ باسشىلىعىنا ۇمىتكەرلەر اراسىندا پىكىرسايىس ءوتتى دەپ حابارلايدى قامشى اقپاراتتىق اگەنتتىگى tvzvezda.ru سىلتەمە جاساي وتىرىپ. بۇل پىكىرسايىسقا «العا» دەپ اتالاتىن قوزعالىستىڭ  ليدەرى ەممانۋەل ماكرون مەن ساياساتكەر مارين لە پەن قاتىستى.

بۇل پىكىرسايىستى لە پەن باستاپ، ماكرون باقىلاۋعا الىنباعان جاھاندانۋدى، تۇراقسىزدىقتى، الەمدىك سوعىستى ۇسىنۋ ارقىلى ەكونوميكانىڭ قۇلدىراتادى دەپ ءوز پىكىرىن بىلدىرەدى. سونىمەن بىرگە لە پەن رەسەيمەن «قىرعي قاباق سوعىستى» باستاۋدىڭ قاجەتى جوق دەپ ويلايدى. «كەرىسىنشە، رەسەيمەن ارا-قاتىناستى دۇرىستاپ، ساۋدا بايلانىسىن ورناتۋ ارقىلى جاعدايىمىزدى ودان ءارى جاقسارتا الامىز»،-  دەيدى لە پەن ءوز پىكىرىن ءبىلدىرۋ بارىسىندا.

ال ماكرون بۇل پىكىرگە مۇلدەم كەلىسپەيدى.  ول الەمگە ءقاۋىپ ءتوندىرىپ وتىرعان دايش-پەن سوعىسۋدى ءجون ساناپ وتىر.

«ءسىز ساياسي وتىرىك ايتۋ ارقىلى باسشىلىققا تالاسقىڭىز كەلەدى.ءسىز قويىلعان سۇراققا تولىق جاۋاپ بەرە المايسىز. ال مەن مۇلدەم جالعان سويلەپ جاتىرعان جوقپىن. مەن ءسىز سەكىلدى ءپۋتيننىڭ ايتقانىمەن جۇرگىم كەلمەيدى. مەن وعان باعىنبايمىن دا»،- دەپ قارسى پىكىر ءبىلدىردى ماكرون.

لە پەن ءوز كەزەگىندە ماكرونعا بىلاي جاۋاپ بەردى: «كەز-كەلگەن جاعدايدا فرانسيانى ايەل ادام بيلەيدى. ول ايەل مەن بولامىن نەمەسە مادام مەركەل بولادى».

بۇل پىكىر سايىس تىكەلەي ەفير ارقىلى كورسەتىلدى جانە 2 ساعاتقا سوزىلدى. كوپشىلىكتىڭ پىكىرىنە سۇيەنەتىن بولساق، ماكرون 2-كەزەڭدە 60% كورسەتكىشپەن لە پەندى جەڭۋى مۇمكىن.