بۇگىن رەداكسيامىزعا الماتىلىق وقىرمان حابارلاسىپ، قالادا بىرنەشە كوشە قورشاۋعا الىنىپ، سالدارىنان كولىك كەپتەلىسى بولعانىن ايتتى. دەگەنمەن الماتى قالالىق ىشكى ىستەر دەپارتامەنتى قالادا ەشقانداي توتەنشە جاعداي بولماعانىن جەتكىزدى، دەپ حابارلايدى Baq.kz ءتىلشىسى.

«الماتى قالاسىندا دۇرلىگەتىندەي ەشتەڭە بولعان جوق. جەرگىلىكتى پوليسيا قىزمەتكەرلەرى جولدا اۆتوكولىكتەردى تۇراققا دۇرىستاپ قويۋعا باعىتتالعان ءىس شارالاردى جۇزەگە اسىردى. قورشاۋ نەمەسە بىرەۋ ەۆاكۋاسيالاندى دەگەن اقپارات جالعان. جولداردى رەتتەۋ، جولداردىڭ قاۋىپسىزدىگىن قامتاماسىز ەتۋ – كۇندەلىكتى جۇمىسىمىز»، - دەيدى الماتى قالالىق ءىىد رەسمي وكىلى سالتانات ازىربەك.

الايدا Tengrinews.kz سايتى الماتىدا فۋرمانوۆ پەن شيەۆچەنكو كوشەلەر قيىلىسىنىڭ ماڭىنداعى ايماق قورشاۋعا الىندى دەگەن اقپارات تاراتىپ وتىر. اگەنتتىكتىڭ مالىمەتىنشە، پرەزيدەنت ىستەرى باسقارماسىنىڭ اۋرۋحاناسى ماڭىندا قارا كيىمدى ادامدار ءجۇر.