قازاقستان پرەزيدەنتى تەلەارنا وكىلدەرىمەن كەزدەسۋ بارىسىندا استانا قالاسىنىڭ قالىپتاسۋ تاريحى، «ەكسپو-2017» حالىقارالىق كورمەسىن وتكىزۋدىڭ وزەكتىلىگى تۋرالى ايتتى، سونداي-اق كورمە جۇمىسى اياقتالعان سوڭ ونىڭ نىساندارىن ەلوردا ينفراقۇرىلىمىنا پايدالانۋعا قاتىستى ساۋالدارعا جاۋاپ بەردى، دەپ حابارلايدى قامشى اقپاراتتىق اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
نۇرسۇلتان نازاربايەۆ قازاقستاننىڭ عىلىمي-يننوۆاسيالىق دامۋى جولىنداعى اۋقىمدى شارا رەتىندە «ەكسپو-2017» كورمەسىنىڭ ماڭىزدىلىعىن اتاپ ءوتتى. تازا ەنەرگەتيكا، «جاسىل ەكونوميكا» جانە ءىت سالالارىنداعى جاڭا ازىرلەمەلەر مەن تەحنولوگيالار كورمەنىڭ مۇراسىنا اينالاتىن بولادى.
سۇحبات «National Geographic» تەلەارناسىنىڭ «مەگاقۇرىلىستار: استانا. بولاشاقتىڭ قالاسى» دەرەكتى ءفيلمىن تۇسىرۋگە دايىندىق جۇمىستارى اياسىندا وتكىزىلدى.
