امەريكانىڭ كولورودو قالاسىندا مال دارىگەرى  بولىپ جۇمىس ىستەيتىن روسس حەندەرسون ەسىمدى دارىگەر ءوزىنىڭ ءتورت اياقتى ەمدەلۋشىلەرىنە كۇردەلى وتا باستالاردىڭ الدىندا جانە وتا جاساپ بولعان سوڭ گيتارامەن ءان سالادى، دەپ حابارلايدى قامشى اقپاراتتىق اگەنتتىگى ren.tv-عا سىلتەمە جاساپ.  

تالانتتى دارىگەر كولورادو شاتاتىنداعى ءبىر ەمحانادا جۇمىس ىستەيدى. ەمحانانىڭ Facebook پاراقشاسىنا روسس حەندەرسوننىڭ گيتارامەن ءان سالىپ وتىرعان ۆيدەوسى جۇكتەلگەن بولاتىن. ۆيدەو كوپشىلىكتىڭ كوڭىلىنەن شىعىپ، جاس دارىگەر ۇلكەن تانىمالدىلىققا يە بولدى. ۆيدەودا روسس حەندەرسوننىڭ وتا جاسالعان كۇشىكتى اياعىنا  جاتقىزىپ، ءان سالىپ وتىرعانى انىق كورىنەدى.

الەۋمەتتىك جەلىدە جاريالانعان ۆيدەو 200 مىڭ رەت قارالىپ، ءۇش مىڭ قولدانۋشى سىلتەمەسىن ءوز دوستارىمەن بولىسكەن.

روسس حەندەرسون 28 جاستا. لەيكۆۋد قالاسىنداعى ەمحانالاردىڭ بىرىندە ءوزىنىڭ اكەسى جانە اعاسىمەن بىرگە جۇمىس ىستەيدى.  جاس جىگىتتىڭ ارىپتەستەرى روسستىڭ وتە مەيىرىمىدى جىگىت ەكەنىن ايتقان بولاتىن. ءجيى-جيى ءتورت اياقتى ەمدەلۋشىلەرىنە وتا جاساعاننان كەيىن قولىنا گيتارا الىپ، اندەتەتىنىن ايتىپ بەردى.