20 جاسار جىگىت اقتوبەدەنى اسكەري بولىمنەن قاشىپ، ۇيىنە قاندىاعاشقا كەتىپ قالعان دەپ حابارلايدى قامشى اقپاراتتىق اگەنتتىگى.  «اتا-انامدى قاتتى ساعىندىم، شىداي المادىم» دەپ اسكەردەن قاشىپ كەتكەن سولداتتىڭ وقيعاسى aktobetimes.kz جاريالانعان بولاتىن. ونى قازاقشاعا اۋدارىپ، وقىرمان نازارىنا ۇسىنامىز.

عالىمجانوۆ ەسىمدى سولدات باسىندا وسكەمەندە اسكەري بورىشىن وتەۋى ءتيىس بولعان. ءبىراق ۇيىنە بارعىسى كەلە بەرەتىن ونى باسشىلىق اياپ، تۇسىنىستىك تانىتىپ، ونى ۇيىنە جاقىن ماڭعا اقتوبەلىك بولىمشەگە اۋىستىرعان. الايدا ءبىر اي وتپەي جاتىپ جىگىتىمىز اتا-اناسىنا دەگەن ساعىنىشقا شىداي الماي اسكەري انتىنا بەرىك بولماي قاندىاعاشتاعى ۇيىنە قاشىپ كەتەدى.

"ونى اكە-شەشەسىنىڭ ۇيىنەن تاۋىپ الدىق. ءبىز كەلگەندە اكەسى ۇرىسىپ جاتقان بالاسىنا. كازارماعا ورال دەپ جاتقان. ماعان بەلگىلى بولعانداي، اكە-شەشەسى بالالارىن اسكەرگە ادەيى جىبەرگەن. ەسەيسىن، ناعىز ەر-جىگىتكە اينالسىن دەپ. اسكەرگە دەيىن بالالارى ەش جەردە جۇمىس ىستمەگەن"، –دەيدى ق ر ۇلتتىق گۆاردياسىنىڭ  6655 ءا/6 كومانديرىنىڭ ورىنباسارى، مايور دەنيس چا.

"دەمبەلگە" جارتى قالعان سولداتتىڭ ءىسىن اسكەري پروكۋراتۋرا قاراستىرىپ، زەرتتەۋ جۇرگىزىپ، ءوز شەشىمىن شىعارادى.