جەڭىس كۇنىن مەرەكەلەۋ قارساڭىندا ەلوردادا ۇوس ارداگەرلەرىنىڭ جانە تىل ەڭبەككەرلەرىنىڭ قاتىسۋىمەن سالتاناتتى كەزدەسۋلەر وتەدى، دەپ حابارلايدى قامشى اقپاراتتىق اگەنتتىگى  استانا قالاسى اكىمدىگىنىڭ باسپا ءسوز قىزمەتىنىڭ مالىمەتىنە سۇيەنىپ.

«ەسىل» اۋدانىندا ۇلى وتان سوعىسىنداعى جەڭىستىڭ 72 جىلدىعىن مەرەكەلەۋ قارساڭىندا ارداگەرلەر كەڭەسىمەن بىرلەسىپ شارالار جوسپارى ازىرلەندى. ونىڭ شەڭبەرىندە كونسەرتتىك باعدارلامالار، «رادي جيزني نا زەملە»، «پوكلونيمسيا تەم گودام»، «زا سۆەتۋششيي ماي 1945 گودا»، «باقىت گۇلىن تەرگەن كۇن»، «ۇلى جەڭىسكە مىڭ تاعزىم» تاقىرىپتارىندا سىنىپ جانە كۋراتور ساعاتتارى، «جەڭىس اندەرى» پاتريوتتىق اندەر بايقاۋى، «مەن قازاقستان ازاماتىمىن»، «پوتومكي پومنيات سلاۆنۋيۋ پوبەدۋ»، «ءبىز بەيبىتشىلىكتى سۇيەمىز» جاس سۋرەتشىلەر بايقاۋى وتەدى.

29 ساۋىردە «ەسىل» اۋدانى ارداگەرلەر كەڭەسى زەينەتكەرلەرىنىڭ جانە №76 مەكتەپ وقۋشىلارىنىڭ قاتىسۋىمەن ۇلى دالا كوشەسىندە كوشەت وتىرعىزۋ شاراسى ۇيىمداستىرىلادى. سونداي-اق ءتۇرلى كومپانيالار مەن سوس كەشەندەرىنىڭ، بيزنەس ورتالىقتاردىڭ قولداۋىمەن ۇوس ارداگەرلەرىنىڭ ۇيلەرىنە بارىپ، ازىق-تۇلىك سەبەتتەرىن، اقشالاي كومەك جانە گۇل شوقتارىن تابىستاۋ اكسياسى وتكىزىلمەك.

ءبىر اي بويى ۇوس مەن تىل ەڭبەككەرلەرى بولىپ تابىلاتىن 15 ادامعا تەگىن مەديسينالىق تەكسەرۋدەن ءوتۋ مۇمكىندىگى بەرىلەدى. ايتا كەتەيىك، 9 مامىردا ۇوس ارداگەرلەرى مەن تىل ەڭبەككەرلەرى «وتان قورعاۋشىلار» مونۋمەنتىنە گۇل قويۋ راسىمىنە قاتىسادى. قالىپتاسقان ءداستۇر بويىنشا ۇوس ارداگەرلەرىنە ارنالعان شاتىردا كونسەرتتىك باعدارلاما ۇيىمداستىرىلىپ، مەرەكەلىك داستارقان جايىلادى.

بۇگىنگى كۇنى ەلوردادا 125 ۇوس ارداگەرى تۇرادى. بيىل جىل سايىنعى ءبىر رەتتىك تولەمدى ەسكەرگەندە ارداگەرلەرگە 500 مىڭ تەڭگەدەن قارجىلاي قولداۋ كورسەتىلەدى.