دانيا بيلىگى ۋاعىز ايتۋىنا تىيىم سالىنعان بىرنەشە مۇسىلمان ءدىن قىزمەتكەرلەرىنىڭ قارا ءتىزىمىن جاريالادى دەپ حابارلايدى قامشى اقپاراتتىق اگەنتتىگى ihsan.kz-كە سىلتەمە جاساي وتىرىپ. الدىن الا حابارعا سايكەس، ەندى دانيا تەرريتورياسىندا بەس يمامنىڭ ۋاعىز ايتۋىنا تىيىم سالىنادى.
اتالمىش تىيىم ەكى ىسكە قاتىستى كوتەرىلگەن، سونداي-اق الداعى ۋاقىتتا قاجەتتىلىك تۋىنداسا تىيىم مەرزىمى ۇزارتىلا تۇسپەك. قارا تىزىمگە ساۋد ارابياسىنىڭ ەكى ازاماتى، سيريانىڭ ءبىر ازاماتى، سونداي-اق، كانادا مەن اقش ازاماتتارى كىرگەن. يمميگراسيا جانە ينتەگراسيا ءىسى مينيسترلىگىنىڭ مالىمەتىنشە، قارا تىزىمگە ىلىنگەن ازاماتتار ءدىني ارازدىق تۋدىرعان.
«اسىرەدىنشىل ۋاعىزشىلار ءبىزدىڭ ەلدىڭ دەموكراتيالىق قۇندىلىقتارىنا، دانيا ازاماتتارىنىڭ قۇقىقتارى مەن ەركىندىكتەرىنە نۇقسان كەلتىردى»،- دەلىنگەن مينيسترلىك مالىمەتىندە.
