قوستاناي وبلىسىندا بالالارعا بەرىلۋى ءتيىس بولعان تاماقتى اياعان بالاباقشاعا ايىپپۇل سالىندى، دەپ حابارلايدى قامشى اقپاراتتىق اگەنتتىگى ng.kz-كە سىلتەمە جاساپ.

بالالارعا  بالاباقشادا سالات، ىرىمشىكتەن جاسالعان ءتۇرلى تاماعامدار جانە جەمىستەر بەرىلۋى ءتيىس بولعان. بالالاردى ءتيىستى تاماقپەن قامتاماسىز ەتپەگەن بالاباقشا قوستاناي وبلىسىنىڭ دەنيس اۋدانىندا ورنالاسقان. تارتىپسىزدىككە جول بەرگەن بالاباقشاعا سوت ۇكىم شىعاردى.  ۇكىم بويىنشا، بالاباقشا 90 مىڭ تەڭگە ايىپپۇل تولەيدى. 

بالاباقشانىڭ ءبىلىم بەرۋ دەڭگەيىن تەكسەرە كەلە بىرنەشە ءتارتىپ بۇزۋشىلىق انىقتالىپ وتىر. بالاباقشادا جۇمىس ىستەيتىن قىزمەتكەرلەردىڭ ءبىرشاماسىنىڭ ءتيىستى ءبىلىمى بولماي شىقتى.  بالالاردى سانيتارلىق-ەپيدەميولوگيالىق تالاپتارعا ساي ەمەس جاعدايدا تاماقتاندىرىپ جۇرگەنى دە ءمالىم بولىپ وتىر.

قىس-كوكتەم مەزگىلىندەگى تۇسكى اسقا سالات جانە كوكونىستەر بەرىلۋى ءتيىس بولعان. مازىردە تۇرعان ىرىمشىك قوسىلعان تاعامدار مەن جەمىستەردەن دە بۇلدىرشىندەر ءدام تاتپاعان. بالالارعا ءبىر اي كولەمىندە بەرىلۋى ءتيىس بولعان ءسۇت، بالىق، جۇمىرتقا، ىرىمشىك، قايماق سىندى ونىمدەر ءتيىستى نورما بويىنشا بەرىلمەگەن.

اتالعان بالاباقشا 2016 جىلى دا ءتارتىپ بۇزۋشىلىق بويىنشا تىركەلگەنى ءمالىم بولىپ وتىر. سوعان قاراماستان ءتارتىپ  بۇزۋشىلىققا ءالى كۇنگە دەيىن جول بەرىپ كەلگەن.