امەريكالىق اسكەريلەر پەنتاگوندا سيرياداعى ءدىني عيماراتقا شابۋىل جاساعانىن مويىندادى، دەپ حابارلايدى قامشى اقپاراتتىق اگەنتتىگى CCN مالىمەتىنە سۇيەنىپ.
16 ناۋرىز كۇنى ءال-دجينن اۋدانىندا مەشىتكە شابۋىل جاسالعان بولاتىن. شابۋىل ناتيجەسىندە 42 ادام قايتىس بولعانى جايلى حابار تارادى. قايتىس بولعان ادامداردىڭ باسىم كوپشىلىگى قاراپايىم حالىق وكىلدەرى. پەنتاگوندا جاسالعان مالىمدەمەگە سۇيەنسەك، جارىلىس «ال-كايد» ساربازدارىنىڭ جينالىسى بولىپ جاتقان كەزدە ورىن العان. جارىلىس جينالىستىڭ جانىندا ورنالاسقان مەكەمەدە ورىن العان.
اتالعان ءىس بويىنشا جەرگىلىكتى جەردىڭ تەلەكانال قىزمەتكەرلەرى زەرتتەۋ جۇرگىزگەن. زەرتتەۋ ناتيجەسىندە بومبالانعان مەكەمە مادەني باعىتتاعى عيمارات بولعانى انىقتالىپ وتىر. ايتا كەتسەك، مەكتەپ جانە اۋرۋحانا سەكىلدى عيماراتتار جارىلىس ۇيىمداستىرۋعا بولاتىن عيماراتتار تىزىمنەن شىعارىلىپ تاستالادى.
ازىرگە جارىلىس بولعان مەشىتتىڭ سول تىزىمدە بولعان-بولماعانى انىقتالعان جوق.
