«شاراينا – شىندىق شەبەرى». قازاق تەاترى مەن كينوسىنىڭ كوريفەيى ءاسانالى ءاشىموۆ جايلى تۇسىرىلگەن دەرەكتى فيلم وسىلاي اتالادى، دەپ حابارلايدى قامشى اقپاراتتىق اگەنتتىگى ءقازاقفيلمنىڭ باسپا ءسوز قىزمەتىنە سىلتەمە جاساپ.
رەجيسسەرى – باقىت عافۋ. جاڭا تۋىندى ونەر قايراتكەرىنىڭ 80 جىلدىق مەرەيتويىنا ارنالعان. دەرەكتى فيلمدە ساحنا شەبەرىنىڭ ونەر الەمىندەگى العاشقى باسپالداعىنان باستاپ، بۇگىنگى دارەجەسىنە دەيىنگى بۇكىل ءجۇرىپ وتكەن جولى قامتىلعان. ونەگەلى ءومىر جايلى فيلم استانادا وتەتىن ەكسپو حالىقارالىق كورمەسىنە دە قويىلماق.
اينا ادامنىڭ شىن مانىندەگى كەيپىن ءوز كوزىنە بۇرا تارتپاي كورسەتەدى. وزگەگە جىلتىراپ كورىنگەنىمەن، ءوزىڭدى الداي المايسىڭ. سوندىقتان، ەڭ باستىسى ادام بولۋ كەرەك. اكتەر بولۋ ءۇشىن دە الدىمەن ادامدىق قاجەت. جاڭا دەرەكتى ءفيلمنىڭ ونە بويى وسى پالسافامەن ورىلگەن. وندا اكتەر ونەر الەمىنە العاش قادام باسقان ءساتىن بىلايشا اڭگىمەلەيدى.
«قىز جىبەك»، «ءترانسىبىر ەكسپرەسى»، «اتاماننىڭ اقىرى» سياقتى تالاي تاماشا تۋىندىلاردا باستى رولدەردى سومداعان ءاسانالى ءاشىموۆتىڭ ساحنا مەن ءتۇسىرىلىم الاڭىنداعى ەلەۋلى ەڭبەگى ءالى كۇنگە جالعاسىپ كەلەدى. الايدا ونەردە جارقىراپ كورىنگەنىمەن، ومىردە قايعىلى ساتتەرى جەتەرلىك.
سان قيلى تاعدىر قايراتكەردىڭ ءبارىبىر ساعىن سىندىرا الماعان. ءومىر قايتا جاندانىپ، دۇنيەگە كىشكەنتاي ءاسانالى كەلدى. وسىنىڭ ءبارىن قامتىعان كارتينا باستى كەيىپكەردىڭ وزىنە قاتتى ۇناپتى.
«مەندە ءبىر 4-5 دەرەكتى فيلم بار. سونىڭ ىشىندەگى ەڭ جوعارعىسى. ەڭ شىعارماشىلىق جاعىنان ءساتتى شىققانى دەپ ويلايمىن»، - دەپ پىكىرىمەن ءبولىستى كسرو مەن قازاقستاننىڭ حالىق ءارتىسى ءاسانالى ءاشىموۆ.
ءاسانالى ءاشىموۆ قالىڭ كورەرمەنىنە دە، ءوز ورتاسىنا دا سىيى ارتقان جان. جانىندا ءجۇرىپ، قويىلىمداردى بىرگە ساحنالاعان ءىنى ارىپتەستەرىنىڭ لەبىزى ەرەكشە.
ونەر مايتالمانىنىڭ 80 جىلدىعىنا ارنالعان دەرەكتى فيلم ەكسپو حالىقارالىق كورمەسىنە قويىلماق. سونداي-اق، الداعى ءبىر اي كولەمىندە الماتىداعى بارلىق كينوتەاترلاردا ءاسانالى ءاشىموۆ فيلمدەرىنىڭ رەتروسپەكتيۆاسى وتەتىن بولادى.
