تەڭىز جاعاسىنداعى قىزىل تۇسكە بويالعان سۋ اقتاۋ جۇرتشىلىعىنىڭ زارەسىن الدى. ماڭعىستاۋ وبلىستىق ەكولوگيا دەپاراتامەنتى باسشىلىعىنىڭ ورىنباسارى بولعان جاعدايعا قاتىستى پىكىرىن ءبىلدىردى. بۇل تۋرالى Lada.kz حابارلايدى.

اقتاۋداعى 9-شاعىن ىقشاماۋدانىنىڭ تۇرعىندارى تەڭىز سۋىنىڭ ءتۇسى وزگەرىپ كەتكەنىن ايتىپ، شۋلاستى.

«بەلگىسىز جاعدايدا سۋ قىزىل تۇسكە ەندى»، - دەيدى ءبىر تۇرعىن.

ەكولوگيا دەپارتامەنتى جاعاعا تەڭىز بالدىرلارى كەلگەنىن ايتىپ ءتۇسىندىردى.

«تەڭىز سۋىنىڭ ەرەكشە تۇسكە ەنۋىنە بالدىرلاردىڭ جينالىپ قالعانى سەبەپ بولعان. ولار جىل سايىن وسىلاي جينالىپ تۇرادى. جانە پايدالى ەكەنىن دە ايتا كەتكەن ءجون، بالدىرلاردىڭ قۇرامىندا يود بار. تۇرعىندارىمىزعا قوسىمشا ەم بولاتىن بولادى، الاڭداۋدىڭ قاجەت جوق. مۇنداي بالدىرلار بارلىق كەزدەسەدى»، - دەدى باۋىرجان امىربەكوۆ.

ونىڭ ايتۋىنشا، تەڭىزدىڭ لاستانۋى دا سۋدىڭ قۇبىلمالى تۇسكە ەنۋىنە اكەلىپ سوققان.