ازيا ەلدەرىندە تانىمال قىتايلىق WeChat مەسسەندجەرى رەسەيدە بۇعاتتالدى. روسكومنادزور (رەسەيدىڭ اقپاراتتىق تەحنولوگيا جانە كوممۋنيكاسيا سالاسىنا باقىلاۋ جاساۋ قىزمەتى) تىيىم سالىنعان سايتتار تىزىمىنە wechat.com ادرەسىن دە قوسقان دەپ حابارلايدى قامشى اقپاراتتىق اگەنتتىگى vesti.ru-عا سىلتەمە جاساپ.
تىيىم سالىنعان سايتتار تىزىمىنە «Restricting» ەسكەرتپەسىمەن wechat.com دا قوسىلعان. بۇعاتتاۋ WeChat تەحنيكالىق دومەنى مەن بارلىق قىزمەتتىك IP ادرەستەرگە قاتىستى. سوندىقتان مەسسەندجەر چاتىن پايدالانۋ دا مۇمكىن ەمەس. بۇعان دەيىن ونداي ەسكەرتپەمەن «ينتەرنەت-راسيا» Zello، Line جانە BBM مەسسەندجەرلەرىنە دە بۇعات قويىلعان. بەلگىلى بولعانداي ولاردىڭ يەلەرى اقپارات تاراتشى بولۋدان جانە رەسەي قۇقىق قورعاۋ ورگاندارىنا ءوز تۇتىنۋشىلارىنىڭ مالىمەتتەرىن بەرۋدەن باس تارتقان.
رەسەيدەگى WeChat قولدانۋشىلارى Twitter-دە سەرۆيستىڭ قولجەتىمدى ەمەس ەكەنىن حابارلادى. كوپتەگەن پروۆيدەرلەر WeChat رەسمي سايتىنا بايلانىستى ءۇزدى. الايدا روسكومنادزور قىتايلىق ميكروبلوگ جەلىسىن جاۋىپ تاستاعانىنا رەسمي تۇسىنىكتەمە بەرگەن جوق.
