جاس ناتۋراليستەر ستانساسىندا 50 ءتۇپ الما اعاشى وتىرعىزىلىپ، باققا ءانشى ديماش قۇدايبەرگەنوۆتىڭ ەسىمى بەرىلدى، دەپ حابارلايدى قامشى اقپاراتتىق اگەنتتىگى 24.kz-كە سىلتەمە جاساپ.
تالىمگەرلەر بالالاردىڭ اراسىندا ساۋالناما جۇرگىزىپ، باققا لايىق اتاۋ ىزدەگەن. ناتيجەسىندە ديماشتىڭ ونەرىنە ءتانتى جاسوسپىرىمدەر ءبىراۋىزدان ءانشىنىڭ ەسىمىن اتاعان. جاس ناتۋراليستەر ديماش اقتوبەگە كەلگەندە باققا مىندەتتى تۇردە ات باسىن بۇراتىنىنا سەنىمدى. ءارى ءانشى ءوز قولىمەن ەگەتىن ءبىر ءتۇپ اعاش دايىنداپ قويدى. بولاشاقتا الما كوشەتتەرىنەن باسقا جەمىس اعاشتارى دا ەگىلەدى. جاس ناتۋراليستەر ستانساسىنداعى ۇيىرمەلەرگە 700 وقۋشى قاتىسادى. ولار جانۋارلار جانە وسىمدىكتەر الەمىمەن تانىسىپ، ەكولوگيا ماسەلەلەرىن زەرتتەيدى.
