سپورتشىلاردىڭ بوقتىق سوزدەر ارقىلى شىنىعۋى شىنىمەن دە ولاردى سايىستىڭ الدىندا مىقتىراق بولۋعا كومەكتەسەدى ەكەن. بۇل تۋرالى بريتاندىق مەديسينا قىزمەتكەرلەرى بريتانيا ەلىندەگى كەزەكتى كەزدەسۋلەردىڭ بىرىندە مالىمدەدى دەپ حابارلايدى قامشى  اقپاراتتىق اگەنتتىگى ria.ru-عا  سىلتەمە جاساي وتىرىپ.

«بوقتىق سوزدەر ارقىلى اشۋىن شىعارعان ادام ءۇنسىز شىدامدىلىق تانىتقان ادامعا قاراعاندا كەز-كەلگەن سوققىنى جاقسىراق قابىلداي الادى. بۇل شەشىمدى ءبىز تاجىريبە جاساۋ  ارقىلى شىعارعانبىز. بوقتىق ءسوز ايتۋ جۇيكەگە اسەر ەتىپ، قيىن جاعدايدا جۇرەكتىڭ مىقتى بولۋىنا كومەگىن تيگىزەدى. دەمەك، ايعايلاعان ادام وزگەلەرگە قاراعاندا مىقتى بولادى»،- دەدى ريچارد ستيۆەنس.

ستيۆەنس پەن ونىڭ قىزمەتتەستەرى  30 شاقتى ەرىكتىگە ادەتتەگى تەستتىڭ ءبىرىن جاسادى. ول تەست شىدامدىلىققا نەمەسە كۇشكە بايلانىستى ەكەن. ولار ۆەلوترەناجەردەگى پەدالدى بويىندا كۇش قالماعانعا دەيىن اينالدىرادى.

تاجىريبەگە قاتىسۋشىلاردىڭ كوبىسى تەست الدىندا بوقتاپ، ايعايلاپ الۋدى ءجون كورگەن. جاتتىعۋ كەزىندە زەرتتەۋشىلەر ولاردىڭ جۇرەك قاعىسىن، فيزيولوگيالىق بەلسەندىلىگىن باقىلاپ وتىردى. جاتتىعۋ باستاماس بۇرىن بوقتاپ، ايعايلاپ العانداردىڭ كۇشى باسىمىراق بولعاندىعى دا بايقالدى.

«بوقتىق ءسوز ادامدى شىنىمەن دە مىقتى ەتەتىنىنە سەنۋگە بولادى. سەبەبى تەست كەزىندە بوقتاپ العاندار باسقالارعا قاراعاندا ەنەرگياسى 10% كوبىرەك بولدى جانە 20% جوعارى ناتيجە  كورسەتتى»،- دەپ تاجىريبە ناتيجەسىن ايتتى زەرتەۋشىلەر.