بۇگىن اقوردا دا مەملەكەت باسشىسى ن.ءا.نازاربايەۆتىڭ قاتىسۋىمەن تاريحي مەرەيتويلار تۇسىندا جىل سايىنعى ۇردىسكە اينالعان اسكەري قىزمەتكەرلەردى ماراپاتتاۋ ءراسىمى بولىپ ءوتتى،دەپ حابارلايدى قامشى اقپاراتتىق اگەنتتىگى.
– بۇگىنگى ءراسىمنىڭ قازاقستان قارۋلى كۇشتەرىنىڭ 25 جىلدىعى قارساڭىندا ءوتۋىنىڭ ەرەكشە سيمۆولدىق ءمانى بار. بۇل – ەل ەگەمەندىگىنىڭ سەنىمدى كەپىلىنە اينالعان ايبىندى ارميامىز ءۇشىن ماڭىزدى تاريحي بەلەس. ونىڭ الەۋەتى تاۋەلسىزدىك جىلدارىندا اسكەري رەفورمالاردىڭ، قارۋ-جاراق پەن تەحنيكانىڭ جۇيەلى جاڭارتىلۋىنىڭ ارقاسىندا ايتارلىقتاي نىعايدى، – دەدى نۇرسۇلتان نازاربايەۆ.
«ارپالىسىپ ءجۇرىپ العان ابىروي – ءومىردىڭ ەڭ شىرىن راقاتى»، - دەپ داڭقتى بابامىز باۋىرجان مومىش ۇلى ايتقانداي، اسكەري قىزمەتكەرلەردىڭ جەتكەن جەتىستىگى – جوعارعى اسكەري مەكتەپ قالىپتاسىپ، تولىققاندى ارميا قۇرىلعاندىعىنىڭ دالەلى.
«بiز قوس مەرەكە قارساڭىندا كوپ ازاماتتاردى، ءاسiرەسە اسكەري قىزمەتكەرلەردi ماراپاتتاپ، تيiستi شەندەرiن بەرەتiنبiز. بيىلعى كەزدەسۋدiڭ ءمانi ەرەكشە. سەبەبi، تاۋەلسiزدiگiمiزدiڭ 25 جىلدىق مەرەكەسi، ونىڭ ءۇستiندە قارۋلى كۇشتەرiمiزدiڭ 25 جىلدىعى اتالىپ وتۋدە. وسىناۋ مەرەيلi بەلەستە ەرەكشە ەرلiگiمەن كوزگە تۇسكەن ازاماتتاردى ماراپاتتايمىن. سiزدەر وسى جىلدار iشiندە بەيبiت ءومiردە دە ەرلiككە جول بار ەكەنiن كورسەتiپ كەلەسiزدەر. سوندىقتان، مەن سiزدەردi ءار سالادا iستەگەن iستەرiڭiز، قىزمەتتەرiڭiز ءۇشiن، كورسەتكەن ەرلiكتەرiڭiز ءۇشiن بۇگiن ماراپاتتايمىن»، - دەدi مەملەكەت باسشىسى اقوردادا ءوتiپ جاتقان سالتاناتتى ءراسiمiندە.
مەرەيلى 25 جىلدىقتا 25 اسكەري قىزمەتكەر ناگرادتالدى. اتاپ ايتساق:
ءى دارەجەلى «داڭق» وردەنىمەن ماراپاتتالعاندار: اسىلوۆ بەرىك نوعاي ۇلى، ايۋبايەۆ مۇحتار احات ۇلى، جاقسىلىقوۆ رۋسلان فاتيح ۇلى، قاراجانوۆ قۇربان ساكەن ۇلى، مايكەيەۆ مۇرات جالەل ۇلى.
ءىىم دارەجەلى «داڭق» وردەنىمەن ماراپاتتالعاندار: لەپەحا يگور ۆلاديميروۆيچ، وسپانوۆ داۋلەت رىسقۇلبەك ۇلى.
ءى دارەجەلى «ايبىن» وردەنىمەن بارتەنوۆ دەنيس ۆالەريەۆيچ ماراپاتتالسا، ءىى دارەجەلى «ايبىن» وردەنىمەن اۋەسبايەۆ ىسكەندىر نۇرلان ۇلى، عيززاتوۆ تەمىر سەرگو ۇلى، لاۆرەنيۋك ەۆگەنيي ۆلادەميروۆيچ، ساپاربايەۆ تالعات قانىبەك ۇلى، ىسمايىلوۆ تالعات قابدىبەك ۇلى ماراپاتتالدى.
ءىىى دارەجەلى «ايبىن» وردەنى احمەتۋللين ناريمان ماعجان ۇلى، راحيمبەكوۆ ميربەك تاشتانبەكوۆيچكە تابىستالسا، «ەرلىگى ءۇشىن» مەدال ايتەلەنوۆ بەرىك مارات ۇلى، جيدەحانوۆ نۇرجان قوسامان ۇلى، سالكەيەۆ اسحاتتوقلەگەن ۇلى، تاجىبايەۆ جاسۇلان كەنجەبايۇلىنا تابىستالدى.
«جاۋىنگەرلىك ەرلىگى ءۇشىن» ازىمبايەۆ ءابجاپار مامىرحان ۇلى، ەلۋبايەۆ سەرىك نۇرلىبەك ۇلى، رايكوۆا الينا سەرگەيەۆنا، تەرگەۋبايەۆ نۇرجان تەمىربەك ۇلى، تولەگەنوۆ الماس تولەگەن ۇلى ماراپاتتالسا ، «ەرەن ەڭبەگى ءۇشىن» مەدال بايدىلدايەۆا گۇلپاريدا تالاپبەكقىزىنا تابىستالدى.
ءوز كەزەگىندە ماراپات يەلەرى بۇگىنگى كورسەتىلگەن قۇرمەتتىڭ ماقتانىش ءارى جاۋاپكەرشىلىك ەكەنىن جەتكىزدى.
سالتاناتتى جيىندا ەلباسى بيىلعى جىلدىڭ 1 شiلدەسiنەن باستاپ اسكەري قىزمەتكەرلەردiڭ جالاقىسىن 25 پايىزعا ءوسiرۋ تۋرالى شەشiم قابىلداعانىن حابارلادى.
قالا تۇرعىندارى مەن قوناقتارى قازاقستان قارۋلى كۇشتەرىنىڭ زاماناۋي قۋاتىنا 7 مامىردا وتكىزىلەتىن 5000 اسكەري قىزمەتكەر، 300 تەحنيكا، 80 اۋە قورعانىس تەحنيكاسى قاتىسىساتىن اسكەري شەرۋدە كوز جەتكىزە الادى. مەرەكە 7، 9 مامىردا ساعات 22.00 دە ەسىل وزەنىنىڭ جاعالاۋىندا وتشاشۋمەن قورىتىندىلانادى
اقوردادان دانا ءمىرزاقادىر
