اقش-تا بەلگىسىز ەر ادام 3 ميلليون دوللار تۇراتىن امەريكالىق سۋرەتشى كريستوفەر ۆۋلدىڭ «اتاۋسىز 2004» دەپ اتالاتىن كارتيناسىن ءبۇلدىردى دەپ حابارلايدى قامشى اقپاراتتىق اگەنتتىگى korrespondent.net-كە سىلتەمە جاساپ.
وقىس جاعداي كوللارادا شتاتىنىڭ اسپەنەدەگى وپەرا گالەرەياسىندا بولعان. بەلگىسىز ادام كارتينانى بۇلدىرگەن سوڭ، بىردەن ول ورىننان ءىزىن سۋىتقان. قىلمىسكەر جايلى ءقازىر ەشقانداي ناقتى اقپارات جوق.
مۋزەي قىزمەتكەرلەرىنىڭ ايتۋى بويىنشا، قىلمىسكەردىڭ بەلگىلى ءبىر ماقساتتا عانا ۆۋل كارتيناسىنا ءتيىسۋى مۇمكىن. اسا نازار اۋداراتىن جايت، ونىڭ نەلىكتەن پابلو پيكاسسو مەن ماركا شاگالانىڭ كارتيناسىنا تيىسپەگەندىگىندە.
وسى وقيعادان 2 اپتا بۇرىن گالەرەياعا ءبىر ءتۇرلى قوڭىراۋلار ءجيى ءتۇسىپ تۇردى دەپ ەسكە الادى مۋزەي قىزمەتكەرلەرى.
پىكىر قالدىرۋ