ارقالىقتا جاس جۇبايلار وز-وزدەرىنە قول جۇمساعان.  ايەلى مەن كۇيەۋىنىڭ ءمايىتى  گاراج ىشىنەن تابىلدى. جاس جۇبايلار ءوز ۇيلەرىندە اسىلىپ قالعان ، دەپ حابارلايدى قامشى اقپاراتتىق اگەنتتىگى top-news.kz-كە سىلتەمە جاساپ.

بۇل جاعداي  30 ءساۋىر كۇنى ورىن العان. مۇستافا مەن ينديرا ەسىمدى جاس جۇبايلار تورعايداعى ءبىر كوللەدجە  «دەنە شىنىقتىرۋ» ماماندىعى بويىنشا ءۇشىنشى كۋرستا ءبىلىم الىپ جۇرگەن.

ءبىلىم العان وقۋ ورنىنىڭ قىزمەتكەرلەرىنىڭ ايتۋى بويىنشا، ەكەۋى دە بەلسەندى ستۋدەنت بولعان. كوپتەگەن ماقتاۋ قاعازدارىمەن ماراپاتتالعان.

«ينديرا- ۆولەيبولشى، ال مۇستافا-فۋتبولشى. 29 ءساۋىر كۇنى كوللەدج قابىرعاسىندا وبلىستىق سەمينار ءوتتى. ەكەۋى دە بەلسەندى ات سالىستى. ءبىز ءالى كۇنگە دەيىن سەنە الار ەمەسپىز. پوليسيا قىزمەتكەرلەرى ءىستىڭ ءمان-جايىن انىقتاۋدا، ءبىراق ناقتى دەرەكتەر ءالى  تابىلمادى» دەدى كوللەدجدىڭ ديرەكتورى ساندۋعاش الماتوۆا.

اۋدارعان: ايگەرىم تاۋباي