الەۋمەتتىك جەلى باق-تىڭ اقپارات كوزى بولا الا ما؟

    Bilal Quanysh
    الەۋمەتتىك جەلى باق-تىڭ اقپارات كوزى بولا الا ما؟

    بىرەۋلەر الەۋمەتتىك جەلى گازەت ەمەس دەپتى، سوندا ول وسەك تاسىپ، ويىڭا كەلگەندى جازۋ ما، الدە ىشىڭدەگى لاس پەن قوقىستى سىرتقا شىعارۋ ورتالىعى ما؟ ەگەر،الەۋمەتتىك جەلىنى پايدالانا بىلسەڭ ساياسي-قوعامدىق، ادامي-ازاماتتىق تاربيە مەن مادەني-ەكونوميكالىق، تۇرمىستىق- الەۋمەتتىك مالىمەت الاتىن كوز. بايلانىس قۇرالى. الەممەن جەلى ارقىلى قارىم-قاتىناس. بۇل قازاق قوعامىنداعى تىلدىك تە،باسقا دا ماسەلەلەر تۋرالى وي قوزعاپ، پىكىر الماساتىن ورتا. ال، وسەك پەن ىشكەن جەگەنىڭدى، جاتىپ-تۇرعانىڭدى جازساڭ ناعىز انتييمان كوزى.

    سوندىقتان، الەۋمەتتىك جەلى باق-تىڭ وزىنشە ءبىر جەتىلگەن ءتۇرى. مۇنى ءتيىمدى پايدالانا بىلەتىن جاقسى باعىت-باعدارداعى باتىس جۋرناليستتەرىنەن ۇلگى الىپ، فب-تىڭ زيالى وقىرمان-ارالاسۋشىسى بۇل ماسەلە تۋرالى "بۇيدەيدى" دەپ گازەت-جۋرنالعا جازسا نە جاريالاسا ەش ەرسى نە اقپارات الۋ كوزى باق-تىڭ ادىس-تاسىلىنە جات ەمەس. ءتىپتى، كەز-كەلگەن تەلەفون دا الەۋمەتتىك بايلانىس جەلىسى. ونى وسەك تاسىپ، جالعان مالىمەت قۇرالى رەتىندە پايدالاناتىندار بار. سوندىقتان، اينالايىندار، قاي-قايسىسىڭ دا، وسىناۋ جەتىلگەن الەۋمەتتىك جەلىنى سانا-سەزىمدەرىڭ مەن تىلدەرىڭ جەتكەن جەرگە دەيىن پايدالانىڭدار دا، تەك ونى دۇرىس پايدالانعىسى كەلگەندەرگە "اناۋ-مىناۋ" دەمەڭدەرشى. مەن ءجۋرناليستپىن، سوندىقتان، الەۋمەتتىك جەلى مەنىڭ قانداي دا بولماسىن مالىمەت الاتىن،نە مالىمەت بەرەتىن، كەز كەلگەن قوعامدىق-ادامي ورتامەن بايلانىساتىن قاتىناس قۇرالىم. ونى جۋرنالىما ءتيىمدى پايدالانىپ، قوعامعا قىزمەت ەتكىم كەلەدى. ال، وسەك-اياڭ، تاعى-تاعىلارمەن اينالىسقىسى كەلەتىندەرمەن ەش شاتاعىم جوق. جەلى قول استىڭدا، سانا-سەزىمىڭ، ءتىلىڭ جەتكەن جەرگە دەيىن پايدالان، تەك مەنىڭ الەۋمەتتىك-جەلىلىك ۇستانىمىما ارالاسپا. قايتا، ناعىز جۋرناليست بولعىڭ كەلسە، الەۋمەتتىك جەلىنى ءتيىمدى پايدالانىپ، وبرازبەن ايتقاندا، گازەت-جۋرنالىڭنىڭ ازىعى ەت. مىنە، سوندا سەن ءجۋرناليسسىڭ. ماعان سەنىڭدەر، اينالايىندار! مەن سەندەردى الدامايمىن. الداۋعا ازاماتتىق-ادامي ءارى كوپ جىلدىق جۋرناليستىك پراكتيكام جىبەرمەيدى.

     Amankhan Alim

    امانحان ءالىم.

    قاتىستى ماقالالار