كەڭەس ۇكىمەتىن ستالين بيلەپ تۇرعان تۇستا ونىمەن كەزدەسپەك تۇگىلى، اتىنان ات ۇركەتىن.ونىڭ ىسقىرعان ۇسكىرىگى بويلارىندا حالقىم دەپ  مازداعان وتتى وشىرە الماعان قازاقتىڭ ۇلدارى قانشاما. ايتايىن دەپ وتىرعانىمىز بىرەۋلەر ءۇشىن ءفاشيزمدى قۇلاتقان ۇلى تۇلعا  بولسا، ءبىز ءۇشىن سول تۇستاعى قازاقتىڭ جىلت ەتكەن ءۇمىت وتىن تاسقىن سۋمەن شايعان، دەموگرافيامىزدىڭ تۇبىنە بالتا شاپقان زۇلمات ديكتاتوردىڭ   قابىلداۋىندا بولىپ، ەلىنىڭ ءۇنىن جەتكىزگەن ۇلى تۇلعالار جايىندا.

ساكەن سەيفۋللين 1925 جىلدىڭ 25 مامىرىندا ءستاليننىڭ قابىلداۋىندا بولعان.

1927 جىلعى 11 مامىردا ءستاليننىڭ الدىندا بولعان ءاليحان بوكەيحان سەنتريزداتتىڭ عىلىمي قىزمەتكەرى رەتىندە تىركەلگەن.

سۇلتانبەك قوجانوۆ ءستاليننىڭ قابىلداۋىندا ءجيى بولعانداردىڭ ءبىرى. دالىرەك ايتساق، ستالين ونى 5 رەت قابىلداعان، ال گولوششەكيندى ءبىر-اق رەت، 1927 جىلى عانا شاقىرتقان . زامانداستارىنىڭ ايتۋىنشا، جيىن-توپتاردا ستالين سۇلتانبەككە: «ەي، شىڭعىسحان!» دەپ ونىڭ بەتتىلىگىن، وتكىرلىگىن، العان بەتىنەن قايتا قويمايتىن تاباندىلىعىن ەسىنە سالىپ وتىرادى ەكەن... سۇلتانبەكتى 1927 جىلى 23 اقپاندا قابىلداعاندا: «نە ماسەلەمەن؟» دەگەن سۇراقتىڭ تۇسىندا «توۆ. ستالين زناەت» دەگەن بەلگىنىڭ قويىلۋى جاقىن تانىستىعىن، ءتىپتى، سىيلاستىق سەنىمىن كورسەتسە كەرەك.

سماعۇل ءسادۋاقاسوۆ 1928 جىلعى 21 ناۋرىزدا قابىلداۋعا كىرگەن

1926 جىلعى 22 اقپاندا ستالين سەيىتقالي مەڭدەشيەۆتى قابىلداعان. 

ءالىبي جانگەلديندى ستالين ءوز كابينەتىندە 1926 جىلعى 15 اقپاندا قا­بىلداپ، اڭگىمەلەسكەن.

ءسابيت مۇقانوۆتى  يوسيف ستالين كرەملدەگى كابينەتىندە 1925 جىلى 7 قاڭتاردا قابىلداعان.

تۇرار رىسقۇلوۆ

قىزىل جەبە رومانىنان ءۇزىندى:

- رۇقساتپا؟ – دەدى رىسقۇلوۆ ەسىك­ءتىڭ كوزىندە تۇ­رىپ. زال تولى حا­لىقباستارىن بۇرىپ، كوز تىك­­ءتى. ستالين ءۇنسىز قا­لىپ، ەسىك جاققا كوزىن سى­عىرايتا قارادى دا، قا­را مۇرتى بۇلك ەتىپ:

-ا، تۇركىستاننىڭ شىڭ­­­عىس­­­حانى، ءتور­­لەت، - دەدى.

- تورگە گرۋزيننىڭ كنيا­ءزى وتىرىپ قالعان ەكەن، ما­عان وسى ءبىر جەر دە جە­تەر، - دەپ رىسقۇلوۆ ال­عا وزىڭقىراپ، ءبىر بوس ورىنعا بارىپ جايعاستى.

 دايىنداعان: ارافات دەربەس ۇلى