اۋەلى «مەرەكەنىڭ» اتاۋىنىڭ ءوزى دۇرىس ەمەس. شىن مانىندە كىمنىڭ جەڭگەنى، كىمنىڭ جەڭىلگەنى بارىمىزگە ايان. ەكونوميكالىق، دەموكراتيالىق، گۋمانيستىك قۇندىلىقتار جاعىنان رەسەي جەڭدىم دەيتىن مەملەكەتىنەن كوپ ارتتا قالدى. جالعىز مىسال: پۋتين مىنگەن كولىككە قاراڭىز، نەمىس ماركاسى مەرسەدەس پەن Volkswagen. VW كولىگى قالاي شىعارىلىپ ەدى، قانىشەر ستالينمەن سوعىسقان ادولف گيتلەردىڭ تىكەلەي بۇيرىعىمەن وندىرىلگەن «Volks-Wagen» («حالىقتىڭ كولىگى»). بۇگىندە الەمدەگى ەڭ ۇلكەن اۆتوكونسەرنگە اينالعان. Volkswagen ادولف گيتلەر، ياكوب ۆەرلين جانە فەرديناند پورشە ۇشەۋى اقىلداسىپ شەشە سالعان «حالىققا ارنالعان»، 1000 رەيحسماروكتان قىمبات بولماۋعا ءتيىس كولىكتەن نەمىس حالقى عانا ەمەس الەم يگىلىك كوردى دەسە ارتىق ەمەس. 
اتاۋلى داتانىڭ بىزگە قاتىسى. ءيا، سول كەزدەگى ساياسي سەبەپپەن قازاقستاندىقتار دا سوعىسقا قاتىستى. اجال قۇشقان 600 مىڭنان استام وتانداستى ايتپاعاندا اش ىشەگى جابىسىپ، اسقازانى اس كورمەي 16 ساعاتتاپ جۇمىس ىستەگەن «تىل» قۇرباندارى قانشاما؟! سوعىستان ءتىرى كەلىپ، «نەمىستىڭ تىڭشىسى» اتانىپ، سىبىردە تەگىن جۇمىسشى بوپ كەتە بارعان قانشاما تاعدىر بار؟ ايتساڭ اۋىر اڭگىمە... 

بۇۇ-نىڭ 2004 جىلعى 22 قاراشاداعى رەزوليۋسياسىنا ساي «جەڭىس مەرەكەسى» اتالعان داتا 8-9 مامىردى(كاپيتۋلياسياعا قول قويىلعان ۋاقىت ماسكەۋ ۋاقىتىمەن 9 مامىر تۇنگى ءبىر. رەيمس جەرگىلىكتى ۋاقىتىمەن 8 مامىر كەشكى 11) «ەكىنشى دۇنيەجۇزىلىك سوعىس قۇرباندارىن ەسكە الۋ كۇنى» رەتىندە قايتا اتاۋدى ۇسىنامىن. بۇل الدە ءبىر بيلىك تاپتارىنىڭ مۇددەسى ءۇشىن سوعىستا قازا تاپقان 60 ميلليوننان استام ادامنىڭ رۋحى الدىندا ءادىل بولار ەدى.
كاپيتۋلياسيادان ءسسسر-دىڭ گەرمانيادان العان وتەمىن وداقتاس رەسپۋبليكالارعا ءبولىپ بەرگەنىنە كۇمانىم بار. 
سوعىستا كەۋدەسىن وققا توسىپ كەلىپ، ارامىزدا جۇرگەن اتايلارعا شەكسىز قۇرمەتپەن! 

قامشىگەر: نۇرعالي نۇرتاي