قاراعاندى وبلىستىق سوتى 31 مامىردا ەلدىڭ بۇرىنعى پرەمەر-مينيسترى سەرىك احمەتوۆتىڭ اپەللياسياسىن قارايدى. ايتا كەتەيىك، احمەتوۆ مەملەكەتكە 17 ميلليون 310 مىڭ مىڭ تەڭگە شىعىن كەلتىردى دەگەن سوت شەشىمىنە قارسى شىعىپ وتىر، - دەپ حابارلايدى Tengrinews.kz.

قاراعاندى وبلىستىق سوتىنىڭ ازاماتتىق ىستەر جونىندەگى اپەللياسيالىق القاسىنىڭ وتىرىسى 11.00-گە بەلگىلەنگەن جانە وعان سۋديا ەلىك مۇحامەدين ءتوراعالىق ەتەدى. 

"قاراعاندى اكىمى احمەتوۆ سەرىك نىعمەت ۇلىنىڭ، ابدىشيەۆ باۋىرجان تۇيتە ۇلىنىڭ، سماعۇلوۆ مەيرام احمەديان ۇلىنىڭ، ادامبەكوۆ مۇحتار ەرمەكباي ۇلىنىڭ، جاكەنوۆ ايدوس عيبادوللا ۇلىنىڭ مەملەكەتكە كەلگەن شىعىندى وتەۋ تۋرالى شاعىمى بويىنشا ءىس ماتەريالدارىن زەرتتەپ، ءىستى اپەللياسيالىق وندىرىسكە الدى. ءىس تىڭداۋى 2017 جىلدىڭ 31 مامىرىنا ساعات 11:00-گە بەلگىلەنگەن"، - دەپ حابارلادى قاراعاندى وبلىستىق سوتىنىڭ باسپا ءسوز قىزمەتىندەگىلەر. 

17 ميلليون 310 مىڭ تەڭگە - بۇل، سوتتىڭ شەشىمى بويىنشا، سەرىك احمەتوۆتىڭ جانە ونىڭ ءتورت قىزمەتكەرىنىڭ زاڭسىز ارەكەتتەرىنەن مەملەكەتكە كەلگەن شىعىن.