تۋىستارىنىڭ قولىنان اجال قۇشقان بالانىڭ اجەسى سوتتىڭ اشىق تۇردە ءوتۋىن تالاپ ەتتى.

11 جاسار وركەن ازامات ۇلىنىڭ ءولىمى تۋرالى ىسكە قاتىستى كۇدىكتىلەر القابيلەر سوتىنان باس تارتتى، پروسەسس اشىق تۇردە وتەتىن بولدى، دەپ حابارلايدى قامشى اقپاراتتىق اگەنتتىگى Sputnik باسىلىمىنا سىلتەمە جاساپ.

سارسەنبى كۇنى قاسكەلەڭ قالاسىندا الماتى وبلىسى قىلمىستىق ىستەر بويىنشا مامانداندىرىلعان اۋدانارالىق سوتىندا الماتىدا وگەي بالاسىن ءولتىرۋدى ۇيىمداستىردى دەگەن كۇدىككە ىلىنگەن ايەلدىڭ ءىسى بويىنشا باستاپقى تىڭداۋ ءوتتى.

سوتتالۋشىلار: ولتىرىلگەن بالانىڭ وگەي شەشەسى ءشاريپا اقبەردييەۆا، ونىڭ بالالارى — تەمىر مەن ايدانا، تەمىردىڭ وگەي اعاسى — كادىرجان گۇلاموۆ. سونىمەن بىرگە رۋسلان مۇتالييەۆ. ولتىرىلگەن وقۋشىنىڭ اناسى مەن اجەسى سوتتىڭ جابىق تۇردە وتۋىنە قارسى ەكەندىكتەرىن مالىمدەدى.

"قىلمىسكەرلەردى سوتتاۋ جابىق تۇردە وتپەۋى ءتيىس دەپ سانايمىن. بۇعان قارسىمىن. اشىق تۇردە بولسىن. بۇكىل قازاقستان ءبىلسىن"، — دەدى وركەن ازامات ۇلىنىڭ اجەسى.

سۋديا بەرىكجان ءبايجۇنىسوۆ سوتتىڭ اشىق تۇردە وتەتىنىن مالىمدەدى. باستى سوت تالقىلاۋى 15 مامىرعا بەلگىلەنىپ، قاراساي اۋداندىق سوتىنىڭ عيماراتىندا وتەتىن بولدى.