كوشە سىپىرۋشى قوقىس سالىنعان قاپتاردى قوقىس قۇبىرىنان الىپ جيناپ  جاتقاندا قاپتاردىڭ ءبىرى قيمىلداعان سەكىلدى كورىنگەن. كوزىنە ەلەستەمەگەنىن انىق بايقاعان  ول سول قاپتىڭ اۋزىن اشقاندا قانداي سوراقى كورىنىستىڭ كۋاسى بولدى دەپ حابارلايدى قامشى اقپاراتتىق اگەنتتىگى.

ول مۇنشالىقتى قورلانعان ءيتتى ومىرىندە ءبىرىنشى رەت كورگەنىن جاسىرمادى. وقيعا ورنىنا جەتكەن قۇتقارۋشىلار ءيتتىڭ جاعدايىن كورگەندە تاڭ قالعاندارىن ايتادى.  ءيتتى قاراپ شىققان ۆەتەرينار  ونى قيناماي ولتىرگەن دۇرىس  دەپ ويلاعان، الايدا ءپيتبۋلدىڭ ايانىشتى كوزقاراسى ونىڭ شەشىمىن وزگەرتكەن.  قۇتقارۋشىلار ءيتتى پاتريك دەپ اتاپ، ازىپ-توزعان جانۋاردى كۇرە تامىرى ارقىلى تاماقتاندىرعان. جاعدايىن قالپىنا كەلتىرۋ ءۇشىن قۇتقارۋشىلار توبى بارىن سالعان. الايدا، قيىندىق كەلتىرگەنى- ءاۋ باستا ءيتتىڭ اسقازانى تاماقتى قابىلداي الماعان.  تاماقتى ءيتتىڭ اعزاسىنا تامىر ارقىلى قۇيعان. سۋىقتان دىرىلدەپ، قاتتى توڭعان ءيتتىڭ تەرىسىنە جارالار قاپتاپ كەتكەن ەدى.

ءيتتىڭ تەك دەنەسى ەمەس، پسيحيكاسى دا زارداپ شەككەن. قاتتى ازاپ تارتقانى ءيتتىڭ ءوزىن-وزى ۇستاۋىنان كورىندى. ماسەلەن، كۇنى بويى تەك جاتا بەرىپ، دالاعا شىقسا ءوز قاجەتىن وتەپ، بۇرىشقا تىعىلىپ قالادى ەكەن.

بۇگىندە ءيتتىڭ جاڭا يەسى بار. ول- پاتريسيا سكاۆەللي. پاتريككە جاڭا ءۇي سىيلاپ، ونى ومىرگە قايتا قۇلشىنىسىن وياتتى دەسەك قاتەلەسكەنىمىز ەمەس.

ۋاقىت وتە كەلە وسى وقيعادان كەيىن پاتريك تانىمال بولىپ كەتكەن. يت ورنالاسقان باسپاناعا  جەر-جەردەن ويىنشىقتار مەن سىيلىقتار، گۇلدەر جىبەرىلىپ بارىنشا كومەك كورسەتىلگەن.

وسى ارالىقتا قورلانعان ءيتتىڭ بۇرىڭعى يەسى دە تابىلعان. ول 28 جاستاعى كيشە كۋرتيس ەسىمدى ازاماتشا.

ول ءوزىنىڭ ىستەگەن قىلمىسى ءۇشىن سوت الدىندا جۋاپ بەرەدى الايدا، ول ءيتتى قوقىس قۇبىرىنا تاستاماعانىن،تەك باسپالداققا بايلاپ كەتكەنىن ايتقان. بىرەۋ-مىرەۋ كورىپ الىپ كەتەدى دەپ ويلاپتى-مىس. الايدا ساراپتاما ءيتتىڭ قاتتى قورلىق پەن اشتىق كورگەنىن دالەلدەگەن.

دەگەنمەن، بۇگىندە پاتريك بۇرىڭعى يەسىنەن كورگەن قورلىقتى ۇمىتقان سىڭايلى.

دايىنداعان: نازەركە مۇسا