مەملەكەت باسشىسىنىڭ جارلىعىمەن تولەجان تۇرسىن ۇلى بارلىبايەۆ قازاقستان رەسپۋبليكاسىنىڭ حورۆاتيا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى، دەپ حابارلايدى قامشى اقپاراتتىق اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
تولەجان بارلىبايەۆ بۇل ۋاقىتقا دەيىن پرەزيدەنت اكىمشىلىگى قىزمەتىندە بولعان.
تولەجان بارلىبايەۆ 1970 جىلى 26 قاراشادا قاراعاندى وبلىسى تەمىرتاۋ اۋدانىندا دۇنيەگە كەلگەن. 1992 جىلى ماسكەۋدەگى مەملەكەتتىك جوعارعى وقۋ ورنىندا ءبىلىم العان.
ەستەرىڭىزگە سالا كەتسەك، بۇعان دەيىن قازاقستاننىڭ حورۆاتياداعى ەلشىسى قىزمەتىندە اسلان مۋسين بولعان. قاڭتار ايىندا ول قىزمەتىنەن بوساتىلدى.
