5،5 ماگنيتۋدالى جەر سىلكىنىسى 200 عيماراتتى قۇلاتتى. بىرنەشە ادام قازا بولدى، دەپ جازادى قامشى اقپاراتتىق اگەنتتىگى.
RT پورتالىنىڭ مالىمەتىنشە، جەر سىلكىنىسى قىتايدىڭ سولتۇستىك-باتىسىنداعى سينسزيان-ۇيعىر اۆتونوميالىق اۋدانىندا بولعان. ازىرگە تەك 8 ادامنىڭ ءمايىتى تابىلدى.
جەر استى دۇمپۋلەرى قاشعار وكرۋگىندە ساعات تاڭعى 05:58 شاماسىندا سەزىلگەن (استانا ۋاقىتىمەن 03:58). جۇڭگو سەيسمولوگيالىق ورتالىعىنىڭ مالىمەتىنە سۇيەنسەك، جەر استى دۇمپۋلەرىنىڭ ەڭ قۋاتتى ماگنيتۋداسى 5،5 بالل بولدى.
8 ادام قازا تاۋىپ، 11ء-ى جارالاندى. سۋار سەيسمولوگيالىق ورتالىعى 200 عيماراتتىڭ تاس-تالقانى شىققانىن حابارلايدى.
ءقازىر وقيعا ورنىندا ىزدەۋ جۇمىستارى مەن قيراعان عيماراتتىڭ ۇيىندىلەرىن جيناۋ جالعاسۋدا.
شولۋشى: گۇلىم جاقان
