ماڭعىستاۋ وبلىسىندا بەلگىسىز ءبىر توپ قارۋلى ادام بۇتىندەي ءبىر وتباسىنا وق جاۋدىرىپ، وقيعا ورنىنان قاشىپ كەتكەن.  بەتىن تۇمشالاعاندار ءتىپتى بەسىكتەگى 9 ايلىق ءسابي، اياعى اۋىر كەلىنشەك پەن وزگە دە بالالاردىڭ بولعانىنا دا قاراماعان، دەپ جازادى قامشى اقپاراتتىق اگەنتتىگى 31 ارناعا سىلتەمە جاساپ.

 ءۇي يەسىنىڭ ايتۋىنشا، كەلگەن باسبۇزارلاردىڭ ىشىمدىك ىشكەنى بايقالعان. بەلگىسىز توپ مۇشەلەرى ۇيگە كىرمەگەن،تەرەزەدەن توقتاۋسىز وق جاۋدىرىپ، تاس لاقتىرعان. بۇل كەزدە ۇيدە قىرىقتار شاماسىنداعى وتاعاسى، ەكى ءجاسوسپىرىم قىز، جۇكتى كەلىنى مەن قۇنداقتاۋلى ءسابي بولعان. بۇزاقىلاردىڭ ءبىرى ۇيالى تەلەفونىن ءۇيدىڭ ماڭىندا ءتۇسىرىپ الىپتى. زارداپ شەككەندەر بىردەن قاراقيا اۋداندىق ىشكى ىستەر بولىمىنە شاعىمدانعان. اتى-جوندەرى بەلگىلى بولعان التى كۇدىكتى ءالى  ۇستالعان جوق.

 «كەتىپ بارا جاتىپ باندىلاردىڭ بىرەۋى سوتكاسىن ءتۇسىرىپ العان. ول سوتكانى ميليسيالار انىقتاپ، وزەننىڭ جىگىتى ەكەنىن ءبىلىپ وتىر. بۇرىن سوتتالعان. ءبىراق سوندا دا ءالى ۇستاي الماي وتىر. بۇگىنگى كۇنگە دەيىن ەشكىم ۇستالعان جوق. ول جەردە 7-8 ەر ادام ءجۇردى ءۇيدى شىر اينالىپ»، - دەيدى ءۇي يەسى ساندۋعاش نىلعالييەۆا. 

شولۋشى: گۇلىم جاقان