يۋليا سەلينا 34 جاسىندا ەكىنشى رەت انا اتانادى. ءسابيىن ىشتەن جارىپ الۋ ارقىلى دۇنيەگە اكەلگەن بولاتىن. ءسابيدىڭ جاعدايى جاقسى، دەنساۋلىعى مىقتى بولىپ دۇنيەگە كەلدى. ال اناسىنىڭ جاعدايى شىن مانىندە ءماز ەمەس.
بوسانعاننان كەيىن دە يۋليانىڭ ءىشى ۇلكەن بولىپ قالا بەرگەن، دەپ حابارلايدى قامشى اقپاراتتىق اگەنتتىگى.
يۋليا پەرزەنتحانادا ءتورت رەت ۋلترادىبىستى تەكسەرۋدەن وتكەن. الايدا دارىگەرلەر ناۋقاستىڭ ءىشىنىڭ ءوسۋ سەبەبىن انىقتاي الماعان. امالسىزدان جاس انا ۇيىنە جىبەرىلگەن بولاتىن. ۇيىنە بارعان سوڭ دا انانىڭ جاعدايى كۇننەن-كۇنگە ناشارلاي تۇسكەن. ءىشى ءسات سايىن ۇلكەيە بەرگەن.
24 كۇن بويى جاس نارەستەسى بار انا اۋرۋىمەن كۇرەسەدى. جاعدايىنىڭ كۇرت ناشارلاۋىنا بايلانىستى اسكەري-مەديسينالىق اكادەميانىڭ كومەگىنە جۇگىنەدى.
تاڭقالدىراتىنى، دارىگەرلەر يۋليانىڭ اۋرۋىنىڭ سەبەبىن العاشقى ۋلترادىبىستى تەكسەرۋدەن وتكىزە سالىسىمەن انىقتاعان. ۋاقىت وزدىرماي ناۋقاستى وپەراسياعا ۇستەلىنە دايىنداعان.
دارىگەرلەردىڭ ناۋقاستىڭ ىشىنەن نە تاپقانى كوپشىلىكتى تاڭقالدىردى. پەرزەنتحاناداعى دارىگەرلەر ناۋقاستىڭ ىشىندە جارتى مەتر جايمانى ۇمىت قالدىرعان.
سونىمەن قوسا دارىگەرلەر يۋليانىڭ ىشىنەن 2 ليترگە جۋىق ءىرىڭ العان.
دايىنداعان: ايگەرىم تاۋباي
