داۋرەن ابايەۆ جەڭىس كۇنىندە تاعىلاتىن قوڭىر جانە كوك ءتۇستى لەنتالار جايلى ءوز ويىن ايتتى، دەپ حابارلايدى قامشى اقپاراتتىق اگەنتتىگى.

اقپارات جانە كوممۋنيكاسيا ءمينيسترى "قازاقستاننىڭ تاۋەلسىزدىگىن ەسكەرە كەلە كوك ءتۇستى لەنتا زاماناۋي تۇرعىندارعا  كوبىرەك ساي كەلەدى. ءبىراق اركىم  قانداي ءتۇستى لەنتا تاعاتىنىن ءوزى شەشەدى.  جەڭىس كۇنى مەملەكەت ازاماتتارىنىڭ 99%-ىنىڭ ەسىندە. باستىسى، ءبىز بۇل مەرەكەنى ەسىمىزدەن شىعارماي جىل سايىن تويلاۋدامىز" دەپ مالىمدەگەن بولاتىن  حابار ارناسىنداعى  «اشىق ديالوگ»  جوباسىندا .  ەلباسىنىڭ جىل سايىن ماڭگىلىك الاۋعا بارىپ گۇل شوقتارىن قويۋمەن قاتار، ارداگەرلەردى قۇتتىقتايتىنىن دا تىلگە تيەك ەتتى. 

  «ماڭگىلىك پولك» جوباسىنىڭ  ءتيىمدى تۇستارىن دا سارالاي ءوتتى. «ماڭگىلىك پولك»  جوباسىن مەن قولدايمىن، سەبەبى بۇل  مايدان شەبىندە قازا بولعان اتا-بابالارىمىزعا، ۇلى وتان سوعىسى كەزىندە ەلگە ەرەن ەڭبەگى سىڭگەن سوعىس جاۋىنگەرلەرىنە ارنالعان مارش. باستىسى ەشكىمنىڭ ەشقاشان ۇمتىلمايتىنى» دەپ ايتقان بولاتىن داۋرەن ابايەۆ.

«لەنتانىڭ كوك نەمەس قوڭىر ءتۇستى بولۋى ماڭىزدى ەمەس. زاماناۋي قازاقستاننىڭ ازاماتى كوك ءتۇستى لەنتانى تاڭدايدى دەپ ويلايمىن، سەبەبى تاۋەلسىزدىكپەن كوك ءتۇستىڭ ۇلكەن بايلانىستى بار. ال ادامداردىڭ لەنتا تاعۋى ەشتەڭەنىڭ ۇمىت بولماعانىن كورسەتەدى» دەپ مالىمدەدى مينيستر.

 «جەڭىستىڭ بەلگىسى رەتىندە گەورگيي لەنتاسى  2000 جىلداردان باستاپ تارالا باستادى.  سوندىقتان بۇل تاقىرىپتى ساياسيلاندىرۋدىڭ ەش قاجەتى جوق.  باستىسى ەرلىك كورسەتكەن اتالارىمىزعا دەگەن قۇرمەت پەن  جەڭىستى كۇنگە جەتكىزگەن مايدانگەرلەر الدىنداعى قارىزىمىزدى ۇمىتپاۋىمىز كەرەك» دەپ مالىمدەدى مينيستر. 

شولۋشى: ايگەرىم تاۋباي