الماتىدا № 63 باعىتىندا جۇرەتىن اۆتوبۋس سوعىسقان Mercedes-Benz G-كلاسس تىزگىنىندە الماتى پروكۋراتۋراسىنىڭ قىزمەتكەرى بولعان دەپ حابارلايدى Tengrinews.kz.
"شىنىمەن دە Mercedes-Benz G-كلاسس تىزگىنىندە الماتى پروكۋراتۋراسىنىڭ قىزمەتكەرلەرىنىڭ ءبىرى بولعان، ول 2017 جىلدىڭ 2 مامىرىنان باستاپ ەڭبەك دەمالىسىندا جۇرگەن"، - دەدى الماتى پروكۋراتۋراسىنداعىلار.
قازىرگى ۋاقىتتا الماتى پروكۋراتۋراسىنىڭ ىشكى قاۋىپسىزدىك قىزمەتى قىزمەتتىك تەكسەرىستى باستاپ كەتتى. سونىمەن قاتار، جول-كولىك وقيعاسىنان زارداپ شەككەن ەكى جاسار قىز، قالالىق قۇزىرلى ورگاننىڭ مالىمەتىنشە، جول تالعامايتىن كولىكتىڭ سالونىندا بولعان. ونىڭ جاعدايىن دارىگەرلەر اۋىر دەپ باعالاعان، ول كەۋدە تۇسىنان جاراقات الىپ، باسسۇيەك ميى زاقىمدالعان.
الماتى پروكۋراتۋراسىنىڭ مالىمەتىنشە، 11 مامىردا Mercedes كولىگى رايىمبەك داڭعىلىمەن شىعىس باعىتتا كەلە جاتىپ، پوتەمكين كوشەسىمەن (تىلەندييەۆ كوشەسىنە جاقىن ماڭدا) قيىلىساتىن جەردە وڭعا مانيەۆر جاساۋ كەزىندە № 63 باعىتىندا جۇرەتىن Yutong ماركالى اۆتوبۋسقا سوعىسقان. قوعامدىق كولىك تە شىعىس باعىتقا ارنايى اۆتوبۋستارعا ارنالعان جولاقپەن كەتىپ بارا جاتقان. جول-كولىك وقيعاسىنىڭ سالدارىنان قوعامدىق كولىكتىڭ 17 جولاۋشىسى جانە Mercedes ءاۆتوموبيلىنىڭ ىشىندە وتىرعان ءسابي ءارتۇرلى جاراقات العان. زارداپ شەككەندەردىڭ بارلىعى قالالىق اۋراحانالارعا جەتكىزىلدى.
جول اپاتى دەرەگىنە قاتىستى ق ر قىلمىستىق كودەكسىنىڭ 345-بابى ("كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى") بويىنشا جۇرگىزىلىپ جاتىر.
ەسكە سالايىق، بۇگىن جول-كولىك وقيعاسى رايىمبەك داڭعىلىنىڭ بويىندا تىلەندييەۆ كوشەسىمەن قيىلىسقان تۇستا بولدى. كوپتەگەن كۋاگەرلەردىڭ ايتۋىنشا، № 63 باعىتىندا جۇرەتىن قوعامدىق كولىكتىڭ جۇرگىزۋشىسى شىعىس باعىتتا اۆتوبۋستارعا ارنالعان ارنايى جولاقپەن كەلە جاتقان. وسى باعىتتا كەلە جاتقان Mercedes-Benz G-كلاسس تىلەندييەۆ كوشەسىنە جەتپەي پوتەمكين كوشەسىنە ءوتۋ ءۇشىن دەرەۋ بۇرىلعان. سوعىسۋ سالدارىنان Mercedes-Benz G-كلاسس 20 مەترگە ۇشىپ كەتكەن، ال جولاۋشىلار اۆتوبۋسى باعانعا سوعىسقان. الدىن الا مالىمەتتەر بويىنشا، جول اپاتىنىڭ سالدارىنان 15 ادام زارداپ شەككەن، ونىڭ ىشىندە اۆتوبۋستىڭ دا، جەڭىل كولىكتىڭ دە جۇرگىزۋشىسى بار. بارلىعى اۋرۋحاناعا جەتكىزىلگەن.
