Google كورپوراسياسى 438 ميلليون رۋبل كولەمىندەگى اكىمشىلىك ايىپپۇلىن تولەدى. وعان سەبەپ – مونوپولياعا قارسى زاڭنامانى بۇزۋ، دەپ حابارلايدى قامشى اقپاراتتىق اگەنتتىگى رەسەيدىڭ فەدەرالدى مونوپولياعا قارسى قىزمەتىنە سىلتەمە جاساپ.

جانجال ەكى جىلعا سوزىلعان: 2015 جىلدىڭ اقپانىندا رەسەيلىك «ياندەكس» كومپانياسى Googleء-دىڭ ۇستىنەن ارىز ءتۇسىردى. سەبەبى Android وپەراسيالىق جۇيەسىندە ورناتىلعان قولدانبالار نارىعىندا ۇستەمدىگىن تەرىس پايدالانعان.

2015 جىلدىڭ كۇزىندە فەدەرالدى مونوپولياعا قارسى قىزمەت «ياندەكستىڭ» تالابىن ادىلەتتى دەپ تانىپ، Googleء-دىڭ ءتارتىبىن رەتكە كەلتىرمەك بولعان. ال Google بۇل ارىزعا شاعىمداناتىنىن ايتقان، الايدا شاعىمدارى ءساتسىز اياقتالدى.

2016 جىلدىڭ ناۋرىزىندا رەسەيدىڭ فەدەرالدى مونوپولياعا قارسى قىزمەتىنىڭ باسشىسى يگور ارتەميەۆ Googleء-دىڭ اگرەسسيۆتىلىگىن ايىپتاپ، سول جىلى-اق ەكى اي سايىن ايىپپۇل تولەتىپ تۇرۋعا ۋادە بەرگەن.

2017 جىلدىڭ ساۋىرىندە مونوپولياعا قارسى قىزمەت پەن Google الەمدىك كەلىسىم جاساپ، سوت ىستەرىنە نۇكتە قويىلدى. عالامتور الىبى 438 ملن رۋبل كولەمىندە ايىپپۇل تولەۋگە مىندەتتەلدى.

سونداي-اق، الەمدىك كەلىسىمنىڭ شارتىنا سايكەس، Google Android جۇيەسىندەگى ەكسكليۋزيۆتى موبيلدىك قۇرىلعىلاردان باس تارتادى جانە ءۇشىنشى جاقتى قولدانبالاردىڭ ورناتىلۋىن تەجەمەيتىن بولادى.

سمارتفون وندىرۋشىلەرى Google-مەن كوممەرسيالىق كەلىسمىدەرگە كەلە الاتىن بولادى، سونىمەن قاتار كەز-كەلگەن قولدانبانى ورناتا الادى، ال امەريكانىڭ عالامتور الىبى بۇعان قارسى كەلە المايدى.

«ءبىزدىڭ ويىمىزشا، وندىرۋشىلەردە تاڭداۋ بولۋى قاجەت  - سمارتفوندارى مەن پلانشەتتەرىندەگى ىزدەۋ جۇيەسى قانداي بولاتىنى، ءتىپتى قانداي قىزمەت ورناتسا دا ءوز ەركى»، - دەدى «ياندەكس» كومپانياسىنىڭ وكىلى وچير ماندجيكوۆ.

شولۋشى: گۇلىم جاقان