لين سلەيتەر  63 جاستاعى الەۋمەتتانۋ ءپانىنىڭ ءمۇعالىمى نيۋ-يوركتاعى بەدەلدى ۋنيۆەرسيتەتتەردىڭ  بىرىندە ساباق بەرگەن. جۋرناليستەر ونى فەشن-يندۋستريانىڭ ادامىمەن شاتاستىرىپ العان سوڭ سانبيكە بولۋعا شەشىم قابىلداعان دەپ حابارلايدى  قامشى اقپاراتتىق اگەنتتىگى. بۇل وقيعا لينمەن وسىدان بىرنەشە جىل بۇرىن ءوزىنىڭ قۇربىسىن تەاتر الدىندا كۇتىپ تۇرعان كەزدەن باستالعان. جاپوندىق ەكى رەپورتەر قاسىنا كەلىپ ونى سۋرەتكە تۇسىرۋگە رۇقسات سۇراعان.

ونىڭ ءساندى كيىمى مەن سىرت كەلبەتى جاپوندىقتاردى قىزىقتىرسا كەرەك. ونىڭ سانبيكە ەمەس ەكەنىن بىلگەن رەپورتەرلەر وعان سانبيكەلىككە بارۋدى ۇسىنعان. الگى جۋرناليستەر قاسىنا كەلگەندە ءبىر توپ ادامدار دا ءليننىڭ جانىنا جينالىپ ونى ءسان الەمىندە تانىمال تۇلعا ەكەن دەپ ويلاعان. بۇل تۋرالى ءليننىڭ ءوزى دە تەبىرەنىسپەن ەسكە الادى. وسى وقيعادان كەيىن الەۋمەتتانۋ عىلىمىنىڭ پروفەسسورى ءوز كاسىبىن اۋىستىرعان. ول جەكە بلوك اشىپ ۇلكەن جاستاعى ادامدارعا قالاي كورىكتى، ءستيلدى كيىنۋ كەرەكتىگىن بلوگىندا تۇسىندىرە باستاعان.

ۋاقىت وتە كەلە ءليننىڭ وقىرماندارى كوبەيىپ، وعان جاستاردان دا، ەگدە جاستاعىلاردان دا ماساتتانعان وقىرمان  حاتتارى كەلە باستاعان.

Elite London مودەلدىك اگەنتتىگىمەن كەلىسىمگە وتىرعان لين سلەيتەر Comme Des Garcons، Mango جانە Valentino سياقتى تانىمال برەندتەردى جارنامالايتىن بەينەباياندارعا تۇسكەن.
ءسان الەمىندە جاس ەرەكشەلىككە بايلانىستى شەكتەۋ بار دەگەن ستەرەوتيپتى بۇزعان لين كەز-كەلگەن جاستا ءساندى ءارى كورىكتى بولىپ جۇرۋگە بولاتىنىن دالەلدەگەن. ادامنىڭ سىرت كەلبەتى مەن ونىڭ ەموسيونالدىق جاعدايى بىر-بىرىمەن تىعىز بايلانىستى دەيدى ول، ءساندى كيىنىپ سىمباتتى بولىپ جۇرگەندە  ءوزىمدى جاس سەزىنەمىن دەيدى سانبيكە.

دايىنداعان: نازەركە مۇسا