بۇگىن قازاقستان مەن فينليانديا اراسىنداعى ديپلوماتيالىق قارىم-قاتىناستاردىڭ ورناعانىنا 25 جىل تولىپ وتىر. وسىعان وراي، استانادا ارنايى باسپا ءسوز ءماسليxاتى ءوتتى. ال ق ر سىرتقى ىستەر ءمينيسترى قايرات ءابدىراxمانوۆ ءوز ارىپتەسىنە قۇتتىقتاۋ xاتىن جولدادى، دەپ جازادى قامشى اقپاراتتىق اگەنتتىگى.

قازاقپاراتتىڭ مالىمەتىنشە، باسپا ءسوز ءماسليxاتىنا قاتىسقان ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو ەكى ەل اراسىنداعى بايلانىستار جايىندا ايتا كەلە، فينليانديانىڭ سولتۇستىك ەۋروپا ەلدەرى ىشىندە قازاقستان ەكونوميكاسىنا اقشا سالىپ جاتقان ءىرى ينۆەستور ەكەنىن ەرەكشە اتاپ ءوتتى. ونىڭ ينۆەستيسياسى 300 ملن اقش دوللارىنان اسىپ وتىر. «قازىرگى كەزدە قازاقستاندا 70-تەن استام فين كومپانيالارى جۇمىس ىستەپ جاتىر. ولار ەنەرگەتيكا، تەلەكوممۋنيكاسيا، كولىك، لوگيستيكا، تاۋ-كەن، اۋىل شارۋاشىلىعى، وڭدەۋ كاسىبى، تۇرعىن ءۇي جانە تاعى باسقا سالالاردا ەڭبەك ەتىپ ءجۇر»، - دەدى ۆاسيلەنكو.

 ونىڭ ايتۋىنشا، قازىرگى ارىپتەستىك ودان دا كەڭەيۋى ابدەن مۇمكىن. سەبەبى قازاقستان مەن فينليانديا اراسىنداعى ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ جۇمىسى جاندانا ءتۇستى. كوميسسيانىڭ سوڭعى وتىرىسىندا ەنەرگەتيكا، ءبىلىم، اۋىل شارۋاشىلىعى، كولىك پەن لوگيستيكا بويىنشا بىرنەشە جۇمىس توبىن قۇرۋ تۋرالى شەشىم قابىلداندى. ەكى ەلدىڭ بيزنەس جولى دا ءوزارا تىعىز بايلانىستارعا ءوز ۇلەسىن قوسىپ كەلەدى. بۇدان بولەك، ءبىلىم مەن يننوۆاسيالار سالاسىنداعى قارىم-قاتىناس نىعايىپ جاتىر. ماسەلەن، سوڭعى ەكى جىلدىڭ ىشىندە قازاقستاننىڭ 20-دان استام ۇشقىشى فينلياندينىڭ ازاماتتىق اۆياسيا مەكتەبىندە ارنايى دايىندىقتان ءوتتى. وعان قوسا، 100-دەن استام مەملەكەتتىك قىزمەتكەر ءوز بىلىكتىلىكتەرىن شىڭداپ قايتتى. سونداي-اق، «بولاشاق» باعدارلاماسى اياسىندا فين ەلىندە ءبىلىم الىپ جۇرگەن جاستار از ەمەس.

ءوز كەزەگىندە فينليانديانىڭ قازاقستانداعى توتەنشە جانە وكىلەتتى ەلشىسى يلككا رايسانەن ەكى ەل اراسىنداعى ديپلوماتيالىق قارىم-قاتىناستاردىڭ دامۋىنا جوعارى باعا بەرىپ، قازىرگى بايلانىستاردى ءالى دە نىعايتۋ قاجەتتىگىن جەتكىزدى. «فينليانديا ءۇشىن قازاقستان ورتالىق ازياعا جول اشاتىن قاقپا ىسپەتتى. ءبىز دە قازاقستان ءۇشىن بۇكىل سولتۇستىك ەۋروپا ايماعىنىڭ قاقپاسى بولا الامىز دەپ سەنەمىن. استاناداعى ەكسپو-2017 كورمەسىنە قاتىساتىنىمىزعا قۋانىشتىمىز. سەبەبى ءدال وسى جىلى ءبىز تاۋەلسىزدىگىمىزدىڭ 100 جىلدىعىن، سونداي-اق ەكى ەل اراسىنداعى ديپلوماتيالىق قارىم-قاتىناستاردىڭ 25 جىلدىعىن اتاپ ءوتىپ وتىرمىز»، - دەپ اتاپ كورسەتتى رايسانەن.

باسپا ءسوز ءماسليxاتى بارىسىندا ۆاسيلەنكو ەكى ەل اراسىنداعى ديپلوماتيالۆق قارىم-قاتىناستاردىڭ 25 جىلدىعىنا وراي مينيستر قايرات ءابدىراxمانوۆتىڭ فينليانديانىڭ سىرتقى ىستەر ۆەدومستۆو باسشىسى تيمو سوينيگە ارناعان قۇتتىقتاۋ xاتىن ەلشىگە تاپسىردى.

ايتا كەتەيىك، فينليانديانىڭ پرەزيدەنتى ساۋلي نيننيستە استاناداعى ەكسپو-2017 حالىقارالىق كورمەسىنە كەلۋدى جوسپارلاپ وتىر. 

شولۋشى: گۇلىم جاقان