الجيرلىك 3 جاسار ءسابي ابدۋر راحمان فاراحتىڭ ءتىلى قۇران تىلىندە شىققان. اناسىنىڭ ايتۋىنشا، ەكى جاسقا دەيىن ءبىر اۋىز ءسوز ايتا الماعان ول عايىپتان “كاھف” سۇرەسىن ەش قيىندىقسىز ايتا جونەلگەن ەكەن، دەپ حابارلايدى قامشى اقپاراتتىق اگەنتتىگى mazhab.kz باسىلىمىنا سىلتەمە جاساپ.

ول سونىمەن قاتار، جەرگىلىكتى “ءال-افاسيي” ارناسىن كورىپ وتىرىپ، قۇران سۇرەلەرىن جاتتاي باستاعان. كەي سۇرەلەردى اناسى ناماز وقىعان كەزدە جادىنا تۇيگەن. بالاعا اياعى اۋىر كەزىندە ۇنەمى قۇران وقىپ، جۇما سايىن “كاھف” سۇرەسىن، كۇن سايىن “ال-مۋلك” سۇرەلەرىن ۇزبەي وقىعان باقىتتى انا ءسابيىنىڭ تۇنگى دۇعالاردى ەستىمەي ۇيقتاماعانىن جەتكىزەدى.

ابدۋرراحمان وسى كەزدىڭ وزىندە ءتادجۋيدتىڭ شارتىنا ساي، قۇراندى سوزبە-سوز وقيدى. ال اكەسى بولسا بالاعا بەس جاسقا دەيىن قۇراندى تولىق مەڭگەرۋدىڭ باعدارلاماسىن جاساپ شىعىپتى. 3 جاسار ۇلىنىڭ قارىم-قابىلەتىن بايقاعان اكە قازىرگى ۋاقىتتا  قۇراندى دۇرىس وقىتۋدى مويىندارىنا الاتىن مەدرەسەلەردىڭ بىرىنە بالانى تابىستاۋدى ويلاپ ءجۇر.