ورتالىق كوممۋنيكاسيالار قىزمەتىنىڭ ديرەكتورى بولىپ ارتۋر نىعمەتوۆ تاعايىندالدى، دەپ حابارلايدى قامشى اقپاراتتىق اگەنتتىگى. 

ايتا كەتەلىك، ارتۋر نىعمەتوۆ 2007 جىلى باتىس قازاقستان مەملەكەتتىڭ ۋنيۆەرسيتەتىنىڭ تاريح فاكۋلتەتىن بىتىرگەن. ودان كەيىن ماسكەۋ ساياسي زەرتتەۋلەر مەكتەبىن ءتامامداعان.

شۆەسيانىڭ مەملەكەتتىك جانە مۋنيسيپالدىق “SIPU International” باسقارماسىندا تاعىلىمدامادان وتكەن. 2008-2012 جىلدار ارالىعىندا ءبىرقاتار قازاقستاندىق جانە شەت ەلدىك بۇقارالىق اقپارات قۇرالدارىندا جۋرناليست جانە رەداكتور قىزمەتىن اتقارعان. «نازاربايەۆ ورتالىعىندا» باس ساراپشى بولعان. سوعىس جانە بەيبىتشىلىك تاقىرىپتارىنداعى IWPR بريتان ينستيتۋتى باسىلىمىندا، رەسەيلىك ەكسترەمال جۋرناليستيكا باعىتىنداعى «وازيس» ينتەرنەت-جۋرنالىندا، «نوۆايا گازەتا — كازاحستان» گازەتىندە، «استانا» جۋرنالىندا ماقالالارى جارىق كورگەن. جىل سايىنعى «حالىق قالاۋلىسى» سىيلىعىنىڭ "ۇزدىك پۋبليسيست" نوميناسياسى بويىنشا 2012 جىلدىڭ لاۋرەاتى.

 2014 جىلى  “Smart Advice” كوممۋنيكاسيالىق توبىندا باسقارۋشى سەرىكتەس بولىپ قىزمەت اتقارعان.

2015 جىلى الماتى قالاسىنىڭ اكىمى باۋىرجان بايبەكتىڭ باسپا ءسوز حاتشىسى  قىزمەتىنە تاعايىندالعان.

2016 جىلى «SaparTime» پىكىرتالاس كلۋبىنىڭ مودەراتورى،  2017 جىلى «نۇر وتان» پارتياسىنىڭ قوعامدىق ساياسات ينستيتۋتى ديرەكتورىنىڭ شتاتتان تىس كەڭەسشىسى قىزمەتتەرىن اتقارعان.

شولۋشى: ايگەرىم تاۋباي