بۇگىن استانادا قۇرلىقتىق حوككەي ليگاسى مەن ەلوردالىق «بارىس» حوككەي كلۋبى اراسىندا استانادا حوككەي جۇلدىزدارىنىڭ اپتاسى 2018 شاراسىن وتكىزۋ تۋرالى كەلىسىمگە قول قويىلدى، دەپ حابارلايدى قامشى اقپاراتتىق اگەنتتىگى استانا قالاسىنىڭ رەسمي سايتىنىڭ مالىمەتىنە سۇيەنىپ.  

سالتاناتتى راسىمگە قحل پرەزيدەنتى دميتريي چەرنىشەنكو جانە استانا قالاسىنىڭ اكىمى اسەت يسەكەشيەۆ قاتىستى. قول قويىلعان مەموراندۋم استانادا 2018 جىلعى قاڭتاردىڭ 10-ىنان 14-ىنە دەيىن حوككەي جۇلدىزدارىنىڭ اپتاسىن وتكىزۋدى قاراستىرادى جانە وعان ءبىر فورماتتا ايەلدەردىڭ حوككەي ليگاسى جۇلدىزدارىنىڭ ماچى، ەرلەر حوككەي ليگاسىنىڭ ۇندەۋ كۋبوگى، قحل جۇلدىزدارىنىڭ ماچى، سونىڭ ىشىندە شەبەرلىك-شوۋ كىرەدى.

«اتالعان مەموراندۋمنىڭ ماڭىزى زور. استانادا حوككەي جۇلدىزدارىنىڭ اپتاسىن وتكىزۋ – قۋانىشتى ءارى قۇرمەتتى وقيعا. ليگانىڭ ۇزدىك ويىنشىلارىنىڭ ونەرى «بارىس» جانكۇيەرلەرى ءۇشىن عانا ەمەس، استانانىڭ بارلىق تۇرعىندارى ءۇشىن ۇمىتىلماس وقيعا بولاتىنى انىق. ەلوردا بىرنەشە كۇنگە ەۋرازيانىڭ حوككەي استاناسىنا اينالادى»، - دەپ ءمالىم ەتتى قالا باسشىسى. سونداي-اق، اكىم ليگا باسشىلىعىمەن بىرگە ەلوردا اكىمدىگى جارىستاردىڭ جوعارى ۇيىمداستىرۋشىلىق دەڭگەيدە ءوتۋى ءۇشىن شارالار قابىلداناتىنىن جەتكىزدى. 

شولۋشى: ايگەرىم تاۋباي