الماتى قالاسى اۋەزوۆ اۋدانى پروكۋرورىنىڭ كومەكشىسى بەكزات بوشەن 22 ادام زارداپ شەككەن جانتۇرشىگەرلىك جول اپاتىنىڭ ءمان-جايىن ايتىپ بەردى. ەر ادام "گەلەندۆاگەن" تىزگىنىندە بولعان  دەپ حابارلايدى قامشى اقپاراتتىق اگەنتتىگى Tengrinews.kz باسىلىمىنا سىلتەمە جاساپ.

"11 مامىردا تاڭعى 08:00 شاماسىندا ايەلىمدى اۋرۋحاناعا اپارىپ تاستادىم، ول جاقتا ايەلىمدى رەنتگەن ساۋلەسىمەن ەمدەپ جاتىر. قاتەرلى ىسىگى بار. مەن ەڭبەك دەمالىسىندامىن، سول سەبەپتى سارىاعاشقا بارىپ، دەمالۋدى جوسپارلاپ وتىرعانبىز. مەن كولىكتى دايارلاپ، رايىمبەك داڭعىلىنىڭ بويىندا كولىكتىڭ مايىن اۋىستىردىم"، - دەيدى پروكۋروردىڭ كومەكشىسى. 

سول كەزدە ونىڭ ايەلى قوڭىراۋ شالىپ، تەزىرەك كەلۋىن سۇراعان.

"مەن وڭ جاقتاعى كىشكەنتاي شاعىن كوشەگە بۇرىلايىن دەدىم. وڭ جاقتا توسقاۋىلداپ تۇرعاندىقتان مەن ول كولىكتى وتكىزىپ جىبەردىم، ودان كەيىن اۆتوبۋس جوق بولاتىن. جانىمدا ۇلىم وتىردى، وڭعا بۇردىم. ارى قاراي جۇرەيىن دەگەنىمدە وڭ جاقتان قاتتى سوققىنى سەزدىم. ەكى-ۇش سەكۋندتان سوڭ ەسىمدى جيدىم، ۇلىما قاراسام ول قوزعالىسسىز اڭ-تاڭ بولىپ وتىر. بالامدى قولىما الىپ، سىرتقا شىقتىم، ادامدار جۇگىرىپ كەلدى، ولار مەنىڭ قولىمنان بالامدى الىپ، جاقىن ماڭداعى دۇكەنگە الىپ كىردى. ول قوزعالىسسىز جاتتى، مەن وعان العاشقى كومەك كورسەتتىم. ول ەسىن جيا باستادى، سول مەزەتتە جەدەل جاردەم كەلدى. ءبىز جەدەل جاردەممەن بىرگە بالانى ءبىرىنشى بالالار اۋرۋحاناسىنا جەتكىزدىك"، - دەيدى بەكەن بوشەن. 

بەكەن بوشەننىڭ بالاسى كولىكتىڭ الدىڭعى ورىندىعىندا بالالار كرەسلوسىندا وتىرعان.

"ول ەكىدە. مەن بۇرىلعان ساتتە اۆتوبۋس بولماعان. وڭ جاقتان جەڭىل كولىكتىڭ وتكەنىن بىلەمىن، ونى كوردىم، وعان جول بەرىپ، بايىپپەن وڭعا قاراي بۇردىم، قاراپ ەدىم، ەشكىم جوق، وسى كەزدە سوققى بولدى. وڭ جاققا بۇرىلاتىنىمدى بىلدىرەتىن جارىقتى قوستىم. ەشقانداي دابىل بەلگىسىن ەستىمەدىم. وڭ جاعىمدا ۇيىقتاپ جاتقان بالامنىڭ ءومىرىن ەش ۋاقىتتا قاتەرگە تىكپەس ەدىم. ول ءقازىر اۋىر جاعدايدا جانساقتاۋ بولىمىندە جاتىر. ناقتى ايتا المايمىن، ءبىراق 50-60 شاقىرىم جىلدامدىقپەن كەلە جاتقان اۆتوبۋس مەنىڭ كولىگىمدى 20 مەترگە دەيىن ۇشىرىپ، كەيىن باعانعا قاتتى جىلدامدىقپەن كەلىپ سوعىسپاس ەدى. سول ۋاقىتتا ساسىپ قالدىم"، - دەيدى پروكۋروردىڭ كومەكشىسى.

"سوققى مەنىڭ بالام وتىرعان جاققا جاسالدى. ارتقى ەسىك پەن الدىڭعى تىرەۋگە سوعىلدى. سوققى بولعان كەزدە كرەسلودان ۇشىپ كەتتى. ءقازىر بالامنىڭ جاعدايىن ءوزىم دە بىلمەيمىن. اپارىپ تاستاعاننان كەيىن قىلمىستىق قۋدالاۋ ورگاندارى مەنى الىپ كەتتى، تۇسىنىك بەردىم"، - دەدى ول.

پروكۋروردىڭ كومەكشىسى وتىرعان "گەلەندۆاگەن" باسقا ادامنىڭ اتىندا ەكەن.

"مەن جۇرگىزگەن كولىك باۋىرىمنىڭ اتىندا. ول كەزىندە ءوزىنىڭ دوسىنان ساتىپ العان. باۋىرىمنىڭ اتىنا جازىلعان. قازىرگى ۋاقىتتا ءوزىم Mitsubishi Galant كولىگىمەن جۇرەمىن. سول كۇنى مەن شىمكەنتكە شىعىپ كەتپەكشى بولعان ەدىم، Mitsubishi Galant كولىگىمەن بارۋ قيىن بولعاندىقتان، ودان كولىگىن سۇراپ العان ەدىم. باۋىرىم بازاردا جۇمىس ىستەيدى. ول - بيزنەسمەن"، - دەپ ءتۇسىندىردى ول كولىكتىڭ كىمدىكى ەكەنىن.

بەكەن بوشەنوۆ 2-17 مامىر ارالىعىندا ەڭبەك دەمالىسىندا ەكەنىن ايتتى.

"ءبىر عانا ايتا الاتىنىم: قازاقستان رەسپۋبليكاسىنىڭ ازاماتتارى، مەنى كەشىرىڭىزدەر! مۇندايدى قالاعان جوقپىن، اۆتوبۋستى شىن مانىندە بايقامادىم. ونىڭ ۇستىنە وڭ جاعىمدا بالام وتىردى، بالامنىڭ ءومىرىن ەشۋاقىتتا قاتەرگە تىكپەيتىن ەدىم. كەشىرىڭىزدەر! زارداپ شەككەندەرگە بارىنشا كومەكتەسەمىن"، - دەدى پروكۋروردىڭ كومەكشىسى.

ايتا كەتەيىك، قازىرگى ۋاقىتتا الماتى پوليسياسى ق ر قىلمىستىق كودەكسىنىڭ 345-بابىنىڭ 1-بولىگى بويىنشا ("كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى") سوتقا دەيىنگى تەرگەۋ جۇمىستارىن جۇرگىزىپ جاتىر. سونىمەن قاتار، 15 ايلىق ەسەپتiك كورسەتكiش مولشەرiندە (35 000 تەڭگە) ايىپپۇل سالۋعا جانە بiر جىل مەرزiمگە كولiك قۇرالىن باسقارۋ قۇقىعىنان ايىرۋعا اكەپ سوعاتىنى كورسەتىلگەن.

"Cونىمەن قاتار، ىشكى تەرگەۋ جۇمىستارى باستالدى جانە ءبىز وسى جول-كولىك وقيعاسىنا قاتىستى ءادىل زەرتتەۋ جۇرگىزەمىز دەپ كەپىل بەرەمىز"، - دەدى باس پروكۋراتۋراداعىلار.

ال وسىعان دەيىن اۆتوبۋسپەن سوعىسقان Mercedes-Benz G-كلاسس تىزگىنىندە الماتى پروكۋراتۋراسىنىڭ قىزمەتكەرى بولعانى انىقتالعان ەدى. "شىنىمەن دە Mercedes-Benz G-كلاسس تىزگىنىندە الماتى پروكۋراتۋراسىنىڭ قىزمەتكەرلەرىنىڭ ءبىرى بولعان، ول 2017 جىلدىڭ 2 مامىرىنان باستاپ ەڭبەك دەمالىسىندا جۇرگەن"، - دەپ حابارلاعان ەدى الماتى پروكۋراتۋراسىنداعىلار. سونداي-اق، كەيىنىرەك Gelandewagen مەن اۆتوبۋس سوعىسقان ءسات تۇسىرىلگەن ۆيدەو پايدا بولعان ەدى.

قازىرگى ۋاقىتتا الماتى پروكۋراتۋراسىنىڭ ىشكى قاۋىپسىزدىك قىزمەتى قىزمەتتىك تەكسەرىستى باستاپ كەتتى. سونىمەن قاتار، جول-كولىك وقيعاسىنان زارداپ شەككەن ەكى جاسار قىز، قالالىق قۇزىرلى ورگاننىڭ مالىمەتىنشە، جول تالعامايتىن كولىكتىڭ سالونىندا بولعان. ونىڭ جاعدايىن دارىگەرلەر اۋىر دەپ باعالاعان، ول كەۋدە تۇسىنان جاراقات الىپ، باسسۇيەك ميى زاقىمدالعان. 

ەسكە سالايىق، بۇگىن جول-كولىك وقيعاسى رايىمبەك داڭعىلىنىڭ بويىندا تىلەندييەۆ كوشەسىمەن قيىلىسقان تۇستا بولدى. كوپتەگەن كۋاگەرلەردىڭ ايتۋىنشا، № 63 باعىتىندا جۇرەتىن قوعامدىق كولىكتىڭ جۇرگىزۋشىسى شىعىس باعىتتا اۆتوبۋستارعا ارنالعان ارنايى جولاقپەن كەلە جاتقان. وسى باعىتتا كەلە جاتقان Mercedes-Benz G-كلاسس تىلەندييەۆ كوشەسىنە جەتپەي پوتەمكين كوشەسىنە ءوتۋ ءۇشىن دەرەۋ بۇرىلعان. سوعىسۋ سالدارىنان Mercedes-Benz G-كلاسس 20 مەترگە ۇشىپ كەتكەن، ال جولاۋشىلار اۆتوبۋسى باعانعا سوعىسقان. الدىن الا مالىمەتتەر بويىنشا، جول اپاتىنىڭ سالدارىنان 23 ادام زارداپ شەككەن، ونىڭ ىشىندە اۆتوبۋستىڭ دا، جەڭىل كولىكتىڭ دە جۇرگىزۋشىسى بار. بارلىعى اۋرۋحاناعا جەتكىزىلگەن.