بۇگىن قۇرلىقتىق كونگرەستە داۋلەت بولات ۇلى تۇرلىحانوۆ ازيا كۇرەس كەڭەسىنىڭ پرەزيدەنتى بولىپ سايلاندى دەپ حابارلايدى قامشى اقپاراتتىق اگەنتتىگى szh.kz-كە سىلتەمە جاساي وتىرىپ.

سايلاۋعا 14 ۇمىتكەر قاتىسقان. ناتيجەسىندە قازاقتىڭ داڭىقتى بالۋانى ەڭ كوپ داۋىس جيناپ، ازيا كۇرەس كەڭەسىنىڭ پرەزيدەنتى بولىپ سايلاندى.

ايتا كەتەيىك، داۋلەت تۇرلىحانوۆ بۇگىنگى تاڭدا قازاقستاننىڭ گرەك-ريم، ەركىن جانە ايەلدەر كۇرەس فەدەراسياسىنىڭ ۆيسە-پرەزيدەنتى قىزمەتىن اتقارىپ كەلەدى.

گرەك-ريم كۇرەسىنەن ەڭبەك سىڭىرگەن سپورت شەبەرى، قازاقستاننىڭ ەڭبەك سىڭىرگەن قايراتكەرى، قازاقستان جانە قىرعىزستان رەسپۋبليكالارىنىڭ ەڭبەك سىڭىرگەن جاتتىقتىرۋشىسى. قازاقستاننىڭ جانە حالىقارالىق تۋرنيرلەردىڭ جەڭىمپازى، كسرو-نىڭ جەتى دۇركىن چەمپيونى، كسرو حالىقتارى سپارتاكياداسىنىڭ كۇمىس جۇلدەگەرى، جانە جەڭىمپازى، ەۋروپا چەمپيونى، الەم چەمپيونى جانە كۇمىس جۇلدەگەرى، قولا جۇلدەگەرى، الەم كۋبوگىنىڭ ەكى مارتە جەڭىمپازى، 12ء-شى ازيا ويىندارىنىڭ جەڭىمپازى، ازيانىڭ ەكى دۇركىن چەمپيونى، 24-25ء-شى وليمپيادالىق ويىندارىنىڭ كۇمىس، قولا جۇلدەگەرى بولعان.