امەريكانىڭ دجوردجيا شتاتىندا ءولىم جازاسىنا كەسىلگەن قىلمىسكەر ءوزىن اتۋ جازاسىنا كەسىلۋىن قالاپ بيلىككە ارىز جازعان دەپ حابارلايدى قامشى اقپاراتتىق اگەنتتىگى life.ru-عا سىلتەمە جاساپ. دجەي لەفورد ارنايى ولتىرتەتىن ينەكسيا قۇيۋ ارقىلى 16 مامىردا جازالانباق. تۇتقىننىڭ ايتۋى بويىنشا، وسى ۋاقىتقا دەيىن ول كوپ مولشەردە اۋىرسىنۋدى جەڭىلدەتەتىن دارى-دارمەك ىشكەن. سونىڭ سالدارىنان ينەكسيانى قۇيعان كەزدە ول ەسىنەن تانىپ قاتتى قينالۋىم مۇمكىن دەيدى. لەفوردتىڭ ارىزىن شتات پروكۋراتۋراسىندا قاراپ، ونى قاناعاتتاندىرۋسىز قالدىردى. ءولىم جازاسىن 25 جىل بويى كۇتكەن تۇتقىننىڭ تەك جازانىڭ جۇزەگە اسىرىلۋىنا 5 كۇن قالعاندا عانا ارىزدانعانى كوڭىلگە قونىمسىز دەيدى پروكۋراتۋرا. سونىمەن بىرگە اتۋ جازاسى دارىمەن ولتىرۋگە قاراعاندا جەڭىلىرەك ەكەنىن دالەلدەي المايمىز دەيدى. ول 1992 جىلى قارت ەر ادامدى ايۋاندىقپەن ولتىرگەنى ءۇشىن ءولىم جازاسىنا كەسىلىپ، 25 جىل بويى قاماۋدا بولعان.
شولۋشى: نازەركە مۇسا
پىكىر قالدىرۋ