كحدر باتىس جاعالاۋى ماڭىنداعى بەلگىسىز جەردە  رەاكتيۆتى سنارياد ۇشىرعان دەپ جازادى قامشى اقپاراتتىق اگەنتتىگى BBC-گە سىلتەمە جاساپ. بۇل تۋرالى وڭتۇستىك كورەيانىڭ اسكەريلەرى حابارلاعان. سولتۇستىك كورەيانىڭ راكەتا ۇشىرۋى كورشىلەرى جاپونيانىڭ، وڭتۇستىك كورەيانىڭ جانە اقش-تىڭ قيتىعىنا تيەدى.

الدىن الا مالىمەتتەر بويىنشا، ۇشىرىلعان سنارياد بالليcتيكالىق راكەتا بولۋى مۇمكىن.

«سولتۇستىك كورەيا بۇگىن تاڭ اتاردا راكەتا ۇشىردى. راكەتا ءتيپى بەلگىسىز، پحونان-پۋكتو پروۆينسياسىنىڭ كۋسون اۋدانىنىڭ شىعا بەرىسىندە ۇشىرىلدى» دەپ اقپارات تاراتقان رەنحاپ.

بۇنى اقش-تىڭ تىنىق مۇحيتتىق قولباسشىلىعى قۋاتتاپ، راكەتانىڭ قۇرلىقارالىق ەمەس ەكەنىن جانە سولتۇستىك امەريكانى سەسكەندىرە المايتىنىن ايتقان.

كورشىسىنىڭ راكەتا ۇشىرۋىنا بايلانىستى وڭتۇستىك كورەيا پرەزيدەنتى مۋن چجە ين قاۋىپسىزدىك كەڭەسىن شاقىرعان.

جاپون مينيسترلەر كابينەتىنىڭ وسيحيدە سۋگا بولسا راكەتانىڭ ۇشۋ ۋاقىتى 30 مينۋتقا جالعاسىپ بارىپ جاپون تەڭىزىندە قۇلاعانىن، جاپونيانىڭ ەكونوميكالىق ايماعىنا نۇقسان كەلتىرە الماعانىن جەتكىزگەن.

سۋگتىڭ سوزىنە ساي، كحدر ارەكەتى بۇۇ قاۋىپسىزدىك كەڭەسى رەزاليۋسياسىن ورەسكەل بۇزۋشىلىق بولىپ تابىلادى.

كيودو اگەنتتىگىنىڭ جازۋىنشا، جاپون ماماندارى كحدر بالليستيكالىق راكەتانىڭ جاڭا ءتيپىن سىناقتان وتكىزۋدى جۇزەگە اسىرا الۋى مۇمكىن ەمەس دەپ بولجايدى.

جاپون بيلىگىنىڭ مالىمەتىنشە راكەتانىڭ ۇشۋ بيىكتىگى 1000 كم.  ال، وڭتۇستىك كورەيانىڭ اسكەريلەرى راكەتانىڭ 700 كم شاماسىندا ۇشقانىن ايتادى.

ءساۋىردىڭ ايىندا كحدر ۇشىرعان ەكى بىردەي راكەتا ساتسىزدىككە ۇشىراعان ەدى.