مەملەكەت باسشىسى فورۋمنىڭ اشىلۋ سالتاناتىنا قاتىستى. سونداي-اق وعان شەت مەملەكەتتەر مەن حالىقارالىق ۇيىمداردىڭ باسشىلارى جانە دەلەگاسيالارى كەلدى. بۇل تۋرالى قامشى اقپاراتتىق اگەنتتىگى اقورداعا سىلتەمە جاساپ حابارلايدى.

جۇڭگو حالىق رەسپۋبليكاسىنىڭ ءتوراعاسى سي سزينپين قاتىسۋشىلاردى قۇتتىقتاپ، ءسوز سويلەدى. ول ءوز سوزىندە «جۇڭگو   باستامانى جۇزەگە اسىرۋ ءۇشىن (ءبىر بەلدەۋ، ءبىر جول) جىبەك جولى قورىنا قوسىمشا 100 ملرد يۋان قۇيادى. ءبىز قارجى ينستيتۋتتارىن 300 ملرد يۋان شاماسىندا باعالانعان وپەراسيالاردى يۋانمەن جۇرگىزۋگە شاقىرامىز. قىتايلىق دامۋ بانكى جانە جۇڭگو ەكسيم-بانكى سايكەسىنشە 200 ملرد يۋان جانە 130 ملرد يۋان مولشەرىندە  ينفراقۇرىلىمداردى، ونەركاسىپ قۋاتىن جانە قارجىلاندىرۋدى قولداۋدىڭ  ارنايى كرەديتتەۋ سحەماسىن قۇرادى»،-دەگەن.

ايتا كەتسەك، "ءبىر بەلدەۋ، ءبىر جول" ستراتەگياسىن جۇڭگو 2013 جىلى جاريالاعان.

 ***

فورۋمنىڭ باستى ماقساتى - ىنتىماقتاستىقتى جانداندىرۋ باعىتتارىن تالقىلاۋ، ءوزارا ءىس-قيمىل پلاتفورمالارىن قالىپتاستىرۋ جانە ىنتىماقتاستىق ناتيجەلەرى بويىنشا تاجىريبە الماسۋ.

ءىس-شارادا ينفراقۇرىلىمدىق بايلانىس، ساۋدا-ەكونوميكالىق ىنتىماقتاستىق، ونەركاسىپتىك ينۆەستيسيالار، ەنەرگەتيكا مەن رەسۋرستار، قارجىلىق قولداۋ، قورشاعان ورتانى قورعاۋ سياقتى ماڭىزدى ماسەلەلەر تالقىلاناتىن بولادى.