گرۋزيا پرەزيدەنتى گەورگيي مارگۆەلاشۆيلي قازان ايىنىڭ سوڭىندا جاپونياعا ساپارى كەزىندە توكيو باسشىلىعىنان ءوز مەملەكەتىن باسقاشا اتاۋدى سۇراماق، بۇل تۋرالى «روسسييسكايا گازەتا» باسىلىمىنا سىلتەمە جاساپ Bnews.kz جازدى.

گرۋزيا ەلىنىڭ رەسەيدەن كىرگەن «گۋرۋدزيا» (ورىس تىلىندەگى «گرۋزيا» ءسوزى) اتاۋىمەن اتالۋىنا ەل باسشىلىعى قارسى شىعىپ، امەريكالىقتار سياقتى «دجوردجيا» دەپ اتالۋىن قالايدى. تبيليسي باسشىلىعى بالتىق جاعالاۋىنداعى ەلدەردىڭ بيلىك ورىندارىمەن بايلانىسىپ، ورىستاردان كالكا ەتىپ الىنعان «گرۋزيا» اتاۋىمەن اتاماۋدى سۇراپ وتىر. ەلدىڭ سىرتقى ىستەر ءمينيسترى ماييا پاندجيكيدزەنىڭ ايتۋىنشا، ءقازىر وسى باعىتتا قىرۋار جۇمىستار اتقارالىپ جاتىر. «تبيليسي بيلىگى ءوز دەگەنىنە ايتەۋىر ءبىر جەتپەي-قويمايدى»، - دەپتى وسى ەلدىڭ مينيستر حانىمى.

ايتا كەتسەك، گرۋزيا اعىلشىن تىلىندە «Georgia»  بولىپ جازىلادى. تۇرىكتەر گرۋزيانى گۇرجىستان دەپ اتايدى. قازاقستان بولسا پوستكەڭەستىك ەلدەرمەن بىردەي گرۋزيا دەپ اتايدى.

قامشى-اقپارات