الماتى مەن پاۆلوداردا نورۆەگيا كۇندەرى اياسىندا ءىس-شارالار وتەدى، دەپ حابارلايدى قامشى اقپاراتتىق اگەنتتىگى strategy2050.kz-كە سىلتەمە جاساپ. 

بارلىق شارالار 17 مامىردا اتالىپ وتەتىن نورۆەگيالىقتاردىڭ جالپىحالىقتىق سۇيىكتى مەيرامى كونستيتۋسيا كۇنىنە ارنالعان. 

الماتىدا 17-20 مامىر، پاۆلوداردا 20-21 مامىر كۇندەرى ەرەسەكتەر مەن بالالارعا ارنالعان كەزدەسۋلەر، كەشتەر مەن شەبەرلىك سىنىپتار وتكىزىلەدى. سونىمەن قاتار الماتىدا 18 مامىردا #NordicTravelPublicTalk: نورۆەگيا بويىنشا ساياحات شاراسى وتەدى. وندا نورۆەگيا بويىنشا ساياحاتتاۋدىڭ بارلىق ەرەكشەلىكتەرى اتاپ كورسەتىلەدى.

20 مامىردا س. بەگالين اتىنداعى بالالار كىتاپحاناسىندا نورۆەگيالىق ەرتەگىلەر كۇنى وتەدى. نەمىس تەاترىنىڭ ارتىستەرى نورۆەج حالىق ەرتەگىلەرىن ايتىپ بەرەدى. ايتا كەتەرلىك جايت، قازاقستانداعى نورۆەگيا كۇندەرىن Scandinavian Council مادەنيەت، ونەر مەن ءبىلىم بەرۋ قورى ۇيىمداستىرۋدا.

شولۋشى: ايگەرىم تاۋباي