ق ر ورتالىق سايلاۋ كوميسسياسى قازاقپارات ساۋالىنا جاۋاپ رەتىندە 2017 جىلى وكىلەتتىلىك مەرزىمى اياقتالاتىن ق ر پارلامەنت سەناتى دەپۋتاتتارىنىڭ ءتىزىمىن ۇسىندى، دەپ حابارلايدى قامشى اقپاراتتىق اگەنتتىگى.
تومەندە اتالعانداردىڭ بارلىعى 2011 جىلى سايلانعان بولاتىن.
1.جابال ەرعالييەۆ (اقمولا وبلىسى)
2.ەلەۋسىن ساعىندىقوۆ (اقتوبە وبلىسى)
3.نۇرلان قىلىشبايەۆ (الماتى وبلىسى)
4.قايرات يششانوۆ (اتىراۋ وبلىسى)
5.تالعاتبەك ءابايدىلدين (شىعىس قازاقستان وبلىسى)
6.ەرتارعىن استايەۆ (جامبىل وبلىسى)
7.راشيت احمەتوۆ (باتىس قازاقستان وبلىسى)
8.سەرىك اقىلباي (قاراعاندى وبلىسى)
9.مۇرات باقتيار ۇلى (قىزىلوردا وبلىسى)
10.جەڭىس نۇرعالييەۆ (قوستاناي وبلىسى)
11.باقتىباي شەلپەكوۆ (ماڭعىستاۋ وبلىسى)
12.اسحات كۇزەكوۆ (پاۆلودار وبلىسى)
13.سەرىك ءبىلالوۆ (سولتۇستىك قازاقستان وبلىسى)
14.قۋانىش ايتاحانوۆ (وڭتۇستىك قازاقستان وبلىسى)
15.ۆلاديمير رەدكوكاشين (استانا)
16.اقان بيجانوۆ (الماتى)
كانديداتتاردى ۇسىنۋ 29 ساۋىردەن باستالىپ 28 مامىردا اياقتالادى. سايلاۋ 28 ماۋسىمعا بەلگىلەنگەن. 15 مامىرداعى وسك مالىمەتتەرىنە سايكەس، سايلاۋعا 83 كانديدات ۇسىنىلعان، ونىڭ 76-سى ءوزىن-وزى ۇسىنسا، قالعانى اۋداندىق، قالالىق جانە وبلىستىق ءماسليحاتتار اتىنان تىركەلگەن.
سەنات ءار وبلىستان، رەسپۋبليكالىق ماڭىزى بار قالادان جانە قازاقستان رەسپۋبليكاسىنىڭ استاناسىنان ەكى ادامنان، تيىسىنشە وبلىستىق، رەسپۋبليكالىق ماڭىزى بار قالانىڭ جانە رەسپۋبليكا استاناسىنىڭ بارلىق وكىلدى ورگاندارى دەپۋتاتتارىنىڭ بىرلەسكەن وتىرىسىندا سايلاناتىن دەپۋتاتتاردان قۇرالادى. سەناتتا قوعامنىڭ ۇلتتىق-مادەني جانە وزگە دە ەلەۋلى مۇددەلەرىنىڭ ءبىلدىرىلۋىن قامتاماسىز ەتۋ قاجەتتىلىگى ەسكەرىلىپ، ونىڭ ون بەس دەپۋتاتىن رەسپۋبليكا پرەزيدەنتى تاعايىندايدى. سايلانعان سەنات دەپۋتاتتارىنىڭ جارتىسى ءاربىر ءۇش جىل سايىن قايتا سايلانىپ وتىرادى. سەنات دەپۋتاتتارىنىڭ وكىلەتتىك مەرزىمى – التى جىل.
پالاتانى مەملەكەتتىك ءتىلدى ەركىن مەڭگەرگەن ءوز دەپۋتاتتارىنىڭ اراسىنان جاسىرىن داۋىس بەرۋ ارقىلى پالاتا دەپۋتاتتارى جالپى سانىنىڭ كوپشىلىك داۋىسىمەن سايلانعان ءتوراعا باسقارادى. سەنات ءتوراعاسىنىڭ قىزمەتىنە كانديداتۋرانى قازاقستان رەسپۋبليكاسىنىڭ پرەزيدەنتى ۇسىنادى.
