اكەسى مەن وگەي شەشەسى سوققىعا جىعىلعان قىزىن ۋچاستكەلىك ينسپەكتوردان جاسىرۋ ءۇشىن شكافقا تىققان دەپ حابارلايدى قامشى اقپاراتتىق اگەنتتىگى informburo.kz-كە  سىلتەمە جاساي وتىرىپ. 

جەتى جاستاعى قىز ءوز اكەسىمەن اقتوبە قالاسىنا جاقىن ورنالاسقان قۇرايلى دەگەن اۋىلدا تۇرعان. كورشىلەردىڭ ايتۋى بويىنشا، بالا سوڭعى 9 ايدا، وگەي اناسى پايدا بولعاننان باستاپ وزگەرە باستاعان ەكەن. كىشكەنتاي قىزدى كۇندە ۇرىپ-سوقان، اش قالدىرعان، بىرنەشە ۋاقىت بويى بۇرىشقا تۇرعىزىپ ازاپتاپتى. الدىڭعى جۇما كۇنىنەن باستاپ كىشكەنتاي قىز ۇيدەن مۇلدەم شىقپاعان، ءتىپتى مەكتەپكە دە بارماعان.

كورشىلەرى ۋايىمداپ ۋچاستكەلىك ينسپەكتوردى شاقىرعان كەزدە قىزدى بىرنەشە جەردەن جاراقاتتانعانىن بىلگەن. كىشكەنە قىزدىڭ اكەسى مەن وگەي شەشەسى بولعان جاعدايدى ەشكىمنىڭ بىلمەسىن دەپ قىزدى شكافقا جاسىرادى. ال پوليسيا قىزمەتكەرىنە قىزىمىز تۋىستارىمىزدىڭ ۇيىنە كەتتى دەپ وتىرىك ايتقان.

كەيىننەن قىزدىڭ اكەسى قىزىن شكافقا جاسىرعانىن مويىنداعان. قىزدى اۋرۋحاناعا جەتكىزىپ، ونىڭ ميى شايقالعاندىعىن جىنە تاعى دا باسقا ءتۇرلى دياگنوز قويعان. قىزدىڭ ايتۋى بويىنشا، وگەي شەشەسى بىرەۋگە بولعان وقيعانى ايتۋشى بولما دەپ قورقىتقان ەكەن.  قىزدى بەلبەۋمەن دە ۇرىپتى.

ونىڭ اناسى تۋىلعاننان باستاپ قىزىنان باس تارتقان كورىنەدى. 3 جاسىنا دەيىن بالالار ءۇيىن پانالاعان. الايدا بەلگىلى سەبەپتەرمەن اكەسى بالالار ۇيىنەن قىزىن الىپ كەتكەن. كورشىلەردىڭ ايتۋى بويىنشا، وگەي اناسى كەلمەي تۇرعان كەزدە قىز اشىق مىنەزدى بولعان ەكەن.

اتالعان وقيعاعا بايلانىستى تەرگەۋ جۇمىستارى جۇرگىزىلىپ جاتىر.

شولۋشى:اسەل وتەشوۆا