اقتوبە وڭىرىندە كوكتەمگى دالالىق جۇمىستار قىزۋ ءجۇرىپ جاتىر. بيىل 641 مىڭ گەكتار جەرگە ەگىن ەگىلەدى، دەپ حابارلايدى قامشى اقپاراتتىق اگەنتتىگى  قازاقپارات-قا سىلتەمە جاساپ.

اقتوبە وبلىسىنداعى ەگىن ەگۋ ناۋقانىمەن تانىسۋ ءۇشىن ءوڭىر باسشىسى بەردىبەك ساپاربايەۆ قارعالى اۋدانىنا باردى. بەلگىلى بولعانى، بيىل 641 مىڭ گەكتار جەرگە ەگىن ەگىلەدى. ونىڭ تەڭ جارتىسىنان استامى، ياعني، 383 گەكتارى ءداندى-داقىلدار. بولجام بويىنشا 480 مىڭ توننا استىق جينالۋى ءتيىس.

«ەڭ باستىسى - ەگىس سالۋ مەرزىمىن سوزباۋ. ءقازىر بار كۇش پەن قوردى كوكتەمگى ەگىن ەگۋ ناۋقانىن ۋاقىتىندا اياقتاۋ ءۇشىن جۇمساۋ كەرەك. تۇقىمنىڭ ساپالى بولۋى - ءونىمدى مول الۋدىڭ كەپىلى. بۇل ماسەلە تالاي ايتىلدى. ازىق-تۇلىك قاۋىپسىزدىگىن جۇزەگە اسىرۋدا نەگىزگى كۇش اۋىل اۋىل شارۋاشىلىعىنا تۇسەدى.

سوندىقتان ءبىز ەگىس القاپتارىن ۇلعايتىپ، پايدالانىلماي جاتقان جەرلەردى قايتارىپ الۋ جۇمىستارىن جالعاستىرا بەرەتىن بولامىز. شارۋا قوجالىقتارى توپىراق قۇنارلىلىعىن ساقتاي وتىرىپ، تىڭايتقىشتاردى پايدالانۋ، القاپ ونىمدىلىگىن ارتتىرۋ، تەحنيكانى جاڭعىرتۋ جۇمىستارىمەن دە شۇعىلدانۋى ءتيىس. قازىرگى كەزدە وسى شارۋالاردىڭ بارلىعىنا مەملەكەتتىك قولداۋ تەتىكتەرى ەنگىزىلدى. تەك مۇمكىندىكتى ءتيىمدى پايدالانۋ كەرەك»، - دەدى وبلىس اكىمى ب.ساپاربايەۆ.   

ايتا كەتەيىك، شارۋالارعا ارنالعان 8،8 مىڭ توننا ارزانداتىلعان ديزەل وتىنى اقتوبەگە جەتكىزىلدى. 

شولۋشى: نازەركە مۇسا