نۇرسۇلتان نازاربايەۆتىڭ سيريادىعى بەيىبىت بىتىمگە كەپىل مەملەكەتتەر باسشىلارىمەن بەيجىڭدە وتكىزگەن كەزدەسۋىنىڭ قورتىندىسى تاراپتاردىڭ قاقتىعىستاردى باسۋ زاڭدارى بويىنشا مەموراندۋمدى جۇزەگە اسىرۋ جولدارىن بەلسەنە قاراستىرىپ جاتقانىن كورسەتتى. بۇل تۋرالى ق ر ءسىم باسشىسى قايرات ءابدىراحمانوۆ مالىمدەدى، - دەپ حابارلايدى kaz.tengrinews.kz

"قازاقستان پرەزيدەنتى نۇرسۇلتان نازاربايەۆتىڭ كەپىل مەملەكەتتەرمەن، ناقتىراق ايتقاندا رف جانە تۇركيا باسشىلارىمەن ءقازىر عانا اياقتالعان بەيجىڭدەگى كەزدەسۋى تاراپتاردىڭ بۇل مەموراندۋمدى ىسكە اسىرۋدىڭ ءتۇرلى اسپەكتىلەرىن قاراستىرىپ جاتقانىن كورسەتتى"، - دەدى ءادبىراحمانوۆ جۋرناليستەرگە.  "بىلۋىمشە، بۇل جۇمىسقا الدىمەن اسكەريلەر تارتىلعان. ويتكەنى اڭگىمە ناقتى اۋماقتارعا بايلانىستى. جۇمىستار جۇرگىزىلىپ جاتىر، دەگەنمەن، كەپىل مەملەكەتتەر جانە مۇددەلى تاراپتارعا ءالى ۇلكەن شارۋا ءبىتىرۋ كەرەكتىگى تۇسىنىكتى"، - دەپ قوستى ول.  ءابدىراحمانوۆتىڭ ايتۋىنشا، بۇل مەموراندۋمدى ىسكە اسىرۋدىڭ ءاربىر بولشەگى ماڭىزدى.  "مىسالى، قاقتىعىس توقتاتىلاتىن بۇل ايماقتاردى كىم قاداعالايدى؟ باقىلاۋ-وتكىزۋ پۋنكتەرىندە ناقتى كىم قىزمەت ەتەتىن بولادى دەگەن سۇراقتار تۋادى"، - دەپ اياقتادى مينيستر.