...شاپقان ۇلتتى «قىزىلى» بار، «اعى» بار،

ىشتەن شىققان قالىڭ ساتقىن تاعى بار.

70 جىلعى قىزىل ىندەت جانە دە

دىڭكەلەتكەن شيرەك عاسىر جاعى بار...

ءالى كۇنگە كىم ۇيالماي قىرتادى؟

كومەيىمدە قانشاما ويلار تۇر تاعى...

70 جىلعى قۇل-قۇتاننىڭ بيلىگى،

شيرەك عاسىر سول قۇلداردىڭ ۇرپاعى...

سودان بەرگى ءبىر عاسىرداي ۋاقىتتا،

قاراعانمەن تۇرەگەپ تە، جاتىپ تا،

اسىپ-تاسقان بارلىق، اقىل كەمەرى،

«بارما،- دەيمىن،- بولەنگەن ۇلت باقىتقا؟..»

كورمەستى راس، كەيدە كوزىم كورەدى،

كورگەن سايىن ءتىرىلىپ، مىڭ ولەدى.

قانشا اسقانمەن، تاسقانمەنەن، شىركىندەر،

قۇتىلمايدى، ءتۇبى جاۋاپ بەرەدى...

بۇلار بولەك اڭگىمەگە تاقىرىپ،

داستارحانعا تۇكىرگەن كىم قاقىرىپ؟

قازاقتى اشىق ازدىرعاننان تۇبىندە

كۇندە تۋار سۇراق الار اقىرىپ!..

بورسيدى ەكەن، تۇرعان سۋ دا قوزعالماي،

بارا جاتىر ايتاتىن دا ءسوز قالماي...

بارىنەن دە باتاتىنى جانىما،

ءبىر عاسىردا قازاق ازىپ، توزعانداي...

كىم بولسا دا، ءبىر ءولۋ جوق، ءبىر تۋدىڭ،

بۇيتەر مە ەدى «استىنداعى ەل ءبىر تۋدىڭ؟..»

وزدەرى قۇل - تۇتاس ۇلتتى قۇل ەتىپ،

شەتىنە اكەپ تىرەپ قويعان قۇرتۋدىڭ...

ارتىق كورگەن مىنا «قىرتتان» - ول «قىرتتى»،

دەپ كىم ايتار: «بارلىعىن دا سول قۇرتتى!..»

قۇرعاق ۋادە!

ماقتاۋ!

جانە

ماقتانۋ:

وسى «ءۇش دەرت تە» - قازاعىمدى بولدىرتتى.

وسى «ءۇش دەرتتەن» - قازاق وڭباي ۇتىلار،

انا قۇلدار – ۇلت ۇتىلسا، قۇتىرار.

ءوز الدىنا ەل بولعانمەن، ۇقپادىم،

وسى «ءۇش دەرتتەن» - قازاق قالاي قۇتىلار؟

شىندىقتى ايتسام، ءسوز ۇقپاعان سول قايعى،

ميعۇلانى – توپاس قانا قولدايدى.

قۇرعاق ۋادە،

ماقتاۋ

جانە

ماقتانۋ:

قۇرىماسا، قازاق – قازاق بولمايدى!..

RS

ءتۇيىن

يىلمە ۇلتىم، مەن داعى يىلمەيىن،

كورىپ، سەزىپ، مەن قالاي كۇيىنبەيىن؟..

«قايران ەلىم، قازاعىم، قالىڭ جۇرتىم...»،

دەپ ابايشا ويىمدى تۇيىندەيىن...